މައުލޫމާތު ލިބިފައިވާ ގޮތުގައި އަލިފާން ރޯވެ، އަނދަމުންދަނީ ކެނެރީމަގުގައި ހުންނަ މ.ރަބީއުވިލާގައެވެ
.އަލިފާން ރޯވެފައިވަނީ އެ ގޭގެ 4 ވަނަ ފަންގިފިލާގައެވެ. މިނިވަންއަށް މައުލޫމާތު ލިބިފައިވާ ގޮތުގައި އަލިފާން ރޯވީ ގުދަނެއްގެ ގޮތުގައި ބޭނުންކުރަމުންދާ ތަނެއްގައެވެ.
އަލިފާން ނިއްވުމުގެ މަސައްކަތް އެމްއެންޑީއެފުން ކުރަމުންދާއިރު، އެ އިމާރާތުގެ ކައިރީ އުޅުނު މީހުން މިހާރު ވަނީ ރައްކާތެރި ހިސާބަށް ބަދަލުކޮށްފައެވެ.
މި ހާދިސާއާ ގުޅޭގޮތުން އެމްއެންޑީއެފުން ބުނީ އަލިފާން ރޯވިކަމުގެ ރިޕޯޓް ލިބިފައިވަނީ މިރޭ 20:19 ހާއިރުކަމަށެވެ. ރަބީއުގޭގައި ރޯވި އަލިފާންގަނޑު ކޮންޓްރޯލްކޮށްފައިވަނީ 21:12 އެހާއިރުއެވެ.
އަދާހަމަ: ރަބީއުވިލާ 4 ވަނަ ފަންގިފިލާގައި ރޯވި އަލިފާން، މިރޭ 21:12 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ވަނީ ކޮންޓްރޯލްކޮށްފަ. މި ހާދިސާގައި އެއްވެސް މީހަކަށް އަނިޔާއެއް ލިބިފައިވާކަމުގެ މަޢުލޫމާތެއް މިހާތަނަށް ނުލިބޭ. pic.twitter.com/K1RVfX8jnb
— Maldives National Defence Force (@MNDF_Official) April 10, 2024
އެމްއެންޑީއެފުން ބުނީ މި ހާދިސާގައި މީހަކަށް އެއްވެސް ގެއްލުމެއް ލިބުނުކަމުގެ މައުލޫމާތެއް އަދި މިހާތަނަށް ލިބިފައި ނުވާކަމަށެވެ.
އަލިފާނުގެ ހާދިސާ ހިނގިތަނަށް ރައީސުލްޖުމްހޫރިއްޔާ ޑރ.،މުހައްމަދު މުއިއްޒުވެސް ވަނީ މީގެ ކުޑައިރުކޮޅެއްކުރިން ޒިޔާރަތްކޮށް ތަނުގެ ހާލަތު އަމިއްލަފުޅަށް ބައްލަވާލައްވާފައެވެ.
🚨#Breaking: Ma. Rabeeu Villa gai alifaanuge haadhisaa eh hin'gaigen ulhey sarahahdhah vadaigen Raees ethanuge haalathu ballavany! #HappeningNow
Ithuru mauloomaathu: https://t.co/ADDnbp2LVf pic.twitter.com/2Mi7jMoDsV
— #MvCrisis (@MvCrisis) April 10, 2024
ފުލުހުން މިހާރު ވަނީ ރަބީއުވިލާ ހުންނަ މަގު އާއްމު ދަތުރުފަތުރަށް ބަންދުކޮށްފައެވެ.
އެކްސްގައި ކުރި ޕޯސްޓެއްގައި ފުލުހުން ބުނީ، އަލިފާނުގެ ހާދިސާ ގައި އެ ގެއަށް ލިބިފައިވާ ގެއްލުމުގެ ފުރިހަމަ އިންސްޕެކްޝަނެއް ހަދައި ރައްކާތެރިކަން ކަށަވަރު ކުރެވެންދެން، އެމަގު އާންމު ދަތުރު ފަތުރަށާއި އެ މަގުގެ ގެތަކުގައި ދިރިއުޅޭ މީހުން ފިޔަވައި ހިނގާ ބިނގާވެ އުޅޭ މީހުންނަށް ބަންދުކުރެވިފައިވާކަމަށެވެ.
މިރޭ އަލިފާނުގެ ހާދިސާ ހިނގި ގޭގައި މީހުން ދިރިނޫޅޭކަމަށް އެ ސަރަހައްދުގައި އުޅޭ ފަރާތްތަކުން ބުނެއެވެ.
