މިހާރު ކުރިއަށްދާ ރައްޔިތުންގެ މަޖިލީހުގެ އިންތިޚާބުގައި މިއަދުގެ 15:00 އާއި ހަމައަށް ވޯޓް ލާފައިވަނީ %56.26 މީހުން ކަމަށް އިލެކްޝަންސް ކޮމިޝަނުން ބުނެފިއެވެ.
އެކޮމިޝަނުން އާންމުކޮށްފައިވާ މަޢުލޫމާތައް ބަލާއިރު 15:00 އާއި ހަމައަށް 160،158 މީހުން ވަނީ ވޯޓު ލާފައެވެ. މިއީ ވޯޓް ލުމުގެ ޙައްޤު ލިބިފައިވާ މީހުންގެ 56.26 އިންސައްތައެވެ. އަދި ވޯޓް ނުލާ މީހުންގެ އަދަދަކީ 126،505 އެވެ. މިއީ ވޯޓް ލުމުގެ ޙައްޤު ލިބިފައިވާ މީހުންގެ %43.74 އެވެ.
މިއީ މިހާތަނަށް ރައްޔިތުންގެ މަޖިލީހަށް އެންމެ ގިނަ މެންބަރުން އިންތިޚާބުކުރާ ފަހަރެވެ. މި އިންތިޚާބުގައި 93 ދާއިރާއަކަށް ޖުމްލަ 284،663 މީހަކަށް ވޯޓުލުމުގެ ޙައްގު ލިބެއެވެ. މީގެ ތެރޭގައި ހިމެނެނީ 145،302 ފިރިހެނުންނާއި 139،361 އަންހެނުންނެވެ.
މިހާރު ކުރިއަށްދާ ރައްޔިތުންގެ މަޖިލީހުގެ އިންތިޚާބު 2024ގައި 15:00 އާ ހަމައަށް ވޯޓުލާފައިވާ ނިސްބަތް #vihi24 pic.twitter.com/EfipuT2ny3
— Elections Commission (@ElectionsMv) April 21, 2024
މި އިންތިޚާބުގައި ވޯޓު ލުމަށް 602 ވޯޓްފޮށި ވަނީ ބަހައްޓާފައެވެ. ވޯޓުލުން ހެނދުނު 8:00ގައި ފަށާފައިވާއިރު، ވޯޓުލެވޭނެ އެންމެ ފަހު ގަޑިއަކީ ހަވީރު 17:30 އެވެ.
