މިއަދުގެ ހަތަރެއް ޖެހުމާއި ހަމަޔަށް ވޯޓު ނުލައި އަދިވެސް ލައްކައަކަށްވުރެ ގިނަ މީހުން އެބަތިބިކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަނުން އެކްސްގައި ކުރި ޕޯސްޓެއްގައި ބުނެފައިވަނީ، ހަތަރެއް ޖެހުމާއި ހަމަޔަށް ވޯޓު ލާފައިވަނީ 63.73 އިންސައްތަ މީހުން ކަމަށެވެ. އެއީ ވޯޓް ލެވޭ މީހުންގެ ތެރެއިން 181،406 މީހުންނެވެ.
މިހާތަނަށް ވޯޓް ނުލާ މީހުންގެ އަދަދު 103،275 ގައި އުޅޭއިރު، އެއީ 36.27 އިންސައްތައެވެ. މިހާތަނަށް ވޯޓް ލީ މީހުންގެ ތެރޭގައި ގިނައީ ފިރިހެނުންނެވެ.
މިހާރު ކުރިއަށްދާ ރައްޔިތުންގެ މަޖިލީހުގެ އިންތިޚާބު 2024ގައި 16:00 އާ ހަމައަށް ވޯޓުލާފައިވާ ނިސްބަތް #vihi24 pic.twitter.com/IbWCQpVLWL
— Elections Commission (@ElectionsMv) April 21, 2024
މިފަހަރުގެ އިންތިޚާބުގައި ވޯޓުލުމުގެ ހައްގު 284,663 މީހަކަށް ލިބިފައިވާއިރު، 602 ވޯޓްފޮށި ވަނީ ބަހައްޓާފައެވެ. ވޯޓުލުން 8 ކުން ފެށިގެން ކުރިއަށްދާއިރު، ވޯޓުލެވޭނެ އެންމެ ފަހުގަޑިއަކީ ހަވީރު 17:30 އެވެ.
