މަސްވެރިން ބާނާ މަހަށް ދޭން ޖެހި ނުދެވި މިވަގުތު ހުރީ 27 މިލިއަން ރުފިޔާ ކަމަށް މަސްވެރިކަމާ ބެހޭ ވަޒީރު އަހުމަދު ޝިޔާމު ވިދާޅުވެއްޖެއެވެ.
ރޭ ކުރިއަށް ދިޔަ އަހާ ޕްރޮގްރާމުގައި ވާހަކަ ދައްކަވަމުން ޝިޔާމް ވިދާޅުވީ އެ ފައިސާ މިފްކޯ މެދުވެރިކޮށް ލަސްތަކެއް ނުވެ ދޫކުރަން ފަށާނެއެވެ.
ވަޒީރު ޝިޔާމް ވިދާޅުވީ ސަރުކާރުން ވެރިކަމާއި ހަވާލުވި ފަހުން މިހާތަނަށް 850 މިލިއަން ރުފިޔާ ދޫކޮށްފައިވާ ކަމަށެވެ.
ޝިޔާމް ވިދާޅުވި ގޮތުގައި މަސްވެރިންނަށް ފައިސާ ދޫކުރުމުގައި ދަތިތަކާ ކުރިން ކުރިމަތިވީ ކުރީ ސަރުކާރުން ނުދައްކާ އޮތް އެތައް މިލިއަން ރުފިޔާއަކާއެކު ވެރިކަމާ ހަވާލުވާން ޖެހުމުންނެވެ.
