އަންހެން ހެދުން އަޅައިގެން ޢާންމު އިޖުތިމާޢީ މިންގަނޑާ ޚިލާފު ވީޑިއޯތައް ސޯޝަލް މީޑިއާގައި ހިއްސާކުރާ ފިރިހެން މީހާގެ ބަންދަށް ކުރިމިނަލް ކޯޓުން 15 ދުވަސް ޖަހައިފިއެވެ.
ޢާންމު އިޖުތިމާޢީ މިންގަނޑާ ޚިލާފު ވޯޑިއޯތައް އާންމުކުރާ އެ ފިރިހެން މީހާ ހައްޔަރުކުރީ އިއްޔެގެ ވަގުތެއްގައެވެ. މި މައްސަލައިގައި ހައްޔަރުކޮށްފައިވަނީ އުމުރުން 39 އަހަރުގެ މީހެކެވެ. އޭނާ ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ.
ފުލުހުން މި މައްސަލަ ތަހުޤީޤު ކުރަމުންދާއިރު، މި ފިރިހެންމީހާ އަކީ މީގެ ކުރިންވެސް މިފަދަ މައްސަލައެއްގައި ހައްޔަރުކުރި މީހެކެވެ. އޭނާގެ މައްޗަށް ކުށް ސާބިތުވެ އެއް އަހަރު ދުވަހަށް ޖަލަށްލުމަށް ކްރިމިނަލް ކޯޓުން ހުކުމެއްވެސް އޭރު ކުރިއެވެ.
