އެމެރިކާގެ އަލަބާމާ ސްޓޭޓްގެ ކުޑަ ޓައުނެއްކަމަށްވާ ޖެސްޕަރ ގައި ހިންގަމުންއަންނަ ޑަބްލިއު.ޖޭ.ޑއެލް.އެކްސް ރޭޑިއޯ ސްޓޭޝަންގެ ރޭޑިއޯ ޓަވަރ ވަގަށް ނަގައިފިއެވެ.
ފެބްރުއަރީ 2 ވަނަ ދުވަހު ކުއްލިއަކަށް ރޭޑިއޯ ގެ ޙިދުމަތް މެދުކެނޑުމާއެކު އެ ސްޓޭޝަނުގެ މެއިންޓަނަންސް ޓީމް ރޭޑިއޯ ޓަވަރ ހުންނަ ތަނަށް ދިޔައިރު 200 ފޫޓްގެ ރޭޑިއޯ ޓަވަރ ވަނީ ވަގަށް ނަގާފައެވެ. އަދި ޓީމަށް އެތަނުން ފެނުނީ ކޮށާލާފައިވާ ކޭބަލްތައް އެކަންޏެވެ. ޓަވަރުގެ އެއްވެސް ބައެއް އެ ހިސާބުން ފެންނާކަށްނެތެވެ.
އެކަމާ ގުޅިގެން ފުލުހުންނަށް އެކަން ރިޕޯޓްކުރިނަމަވެސް ޓަވަރ ވަގަށްނެގި ފަރާތެއް އަދިވެސް ވަނީ ނުހޯދިފައެވެ. އަދި އެ ރޭޑިއޯ ސްޓޭޝަނުން ވަނީ 200 ފޫޓުގެ ރޭޑިޢޯ ޓަވަރެއް ގެންގުޅޭ ފަރާތެއް ފެނިއްޖެނަމަ އެ ސްޓޭޝަނަށް ރިޕޯޓްކުރުމަށް އެދިފައެވެ.
