ސިފައިންގެ އާއިލާތައް ދިރިއުޅުމަށް ދޫކޮށްފައިވާ ބަންޑާރަކޮށީގެ ގެއަކުން މަރުވެފައިވާ މީހެއްގެ ހަށިގަނޑު ފެނިއްޖެއެެވެ.
މަރުވެފައި އޮއްވާ ފެނިފައިވަނީ ފިރިހެނެކެވެ. ފުލުހުންވެސް ވަނީ މިހާރު މިކަން ޔަގީންކޮށްދީފައެވެ.
މަރުވެފައިވާ މި މީހާ ފެނިފައިވަނީ ފުލުހުންނަށް ލިބުނު މައުލޫމާތަކާ ގުޅިގެން ފުލުހުން ގޮސް ބަނޑޭރިކޮށީގެ ގެއެއް ބަލައި ފާސްކުރުމުންނެވެ. މިހާތަނަށް އެނގުނު ގޮތުގައި މި މީހާއަކީ 30 އަހަރުގެ ދިވެއްސެކެވެ. އެތަނަކީ މިހާރު މީހުން ދިރިއުޅެމުން އަންނަ ތަނެއް ނޫންކަމަށްވެސް މައުލޫމާތު ލިބެއެވެ.
ފުލުހުން ގެންދަނީ އެ މައްސަލަ ތަހުގީގް ކުރަމުންނެވެ.
