ވޭޕްކުރުން ރާއްޖޭގައި މަނާކުރަން ޖެހޭކަމަށް ޤައުމީ ހޮސްޕިޓަލް އައިޖީއެމްއެޗްގެ އެތެރެހަށީގެ ޑޮކްޓަރު މުހައްމަދު އަލީ ވިދާޅުވެއްޖެއެވެ.
ފުރާނައަށް ނުރައްކާވާފަދަ ބާރުގަދަ ޑްރަގެއް ދައުރުވަމުންދާކަން ފާހަގަކުރައްވައި އަދި އެކަމުގެ ނުރައްކާތެރިކަން ފާހަގަކުރައްވައި، އެކްސްގައި ކުރެއްވި ޕޯސްޓެއްގައި ޑރ.މުހައްމަދު އަލީ ވިދާޅުވީ، ސިނގިރޭޓް ބުއިމުގެ އިތުރުން ވޭޕްކުރުމަކީ ރާއްޖޭގައި މަނާކަމެއްކަމަށް މިހާރު ކަނޑައަޅަން ޖެހިފައިވާ ދަރަޖައަށް ކަމުގެ ނުރައްކާތެރިކަން ގޮސްފައިވާކަމަށެވެ.
ޗައިނާ ވައިޓާ ގުޅޭގޮތުން މި ޕޯސްޓްގައި ޑރ.މުހައްމަދު އަލީ ވިދާޅުވެފައިވަނީ، އައިޖީއެމްްއެޗްގައި އެޑްމިޓްކުރި ބައެއް މީހުން ޗައިނާ ވައިޓް ބޭނުންކޮށްފައިވާކަން ދެނެގަނެވިފައިވާކަމަށާއި، މަސްތުވާތަކެއްޗާ މެދު ހަރުކަށި ފިޔަވަޅުތައް އަޅަންޖެހޭ ކަމަށެވެ. އެހެން ނޫންނަމަ، މުޖުތަމައު ބިނާކުރަންތިބި ޒުވާން ޖީލު މުޅިން ހަލާކުވެދާނޭކަމުގެ އިންޒާރު އޭނާ ވަނީ ދެއްވާފައެވެ.
Some of our patients who r getting admitted with severe infections tell that, they had used China White among other things.Take critical actions for drug use and abuse,otherwise our working population will end up in vain.
Like drugs,Ban Vaping and Smoking in Maldives.#BanVape https://t.co/j4VqwBEtx4
— Dr. Mohamed Ali (@Moxamedalu) May 23, 2024
މިނިސްޓްރީ އޮފް ހޯމް ލޭންޑުން ވަނީ ރާއްޖޭގައި "ޗައިނާ ވައިޓް" އުފައްދާ މިންވަރާއި ބޭނުންކުރަމުންދާ މިންވަރު ބައިނަލްއަޤްވާމީ އެކި ކަންކޮޅުތަކުގައި އިތުރުވާކަން ފާހަގަކޮށް، އެ ޑްރަގްގެ ވަބާ ރާއްޖޭގައި އާއްމުވެނުދިނުމަށްޓަކައި ހަރުދަނާ ވިޔަވަޅުތަކެއް އަޅާނޭކަމަށް ބުނެފައެވެ.
ސިނގިރޭޓަށްފަހު ވޭޕްކުރުމަކީ މިހާރު ދެ ޖީންސްގެ ޒުވާނުންގެ މެދުގައި ވަރަށް އާއްމުވެފައިވާ ކަމެކެވެ. ވޭޕްކުރާ ޒުވާނުންގެ އަދަދު ދުވަހެއް ދުވަހެއް އިތުރުވަމުންދާއިރު، ގިނަ ޒުވާނުން މިހާރު ވޭޕްކުރަނީ ސިނގިރޭޓް ބޭނުންކުރުމުގެ ބަދަލުގައެވެ. ނަމަވެސް ވޭޕްކުރުމަކީވެސް ފުއްޕާމެއަށް ނުހަނު ގެއްލުންތައް ދޭ އެއްޗެއްކަމަށް ޑޮކްޓަރުން ބުނެއެވެ.
ކިޔުންތެރިންގެ ޚިޔާލުތައް
ޑްރަގް ބޭނުންކުރުން މަނާ ނޫންވީމަތަ ބޭނުންކުރަނީ؟