އިނގިރޭސިވިލާތުގެ ދޫނި ޕާކަކުން ހިމާޔަތްކޮށްފައިވާ ދޫނި ބިސް ވަގަށް ނެގުމުގެ ތުހުމަތުގައި ހައްޔަރުކުރި 71 އަހަރުގެ ޑެނިއަލް ލައިހަމް ކިޔާ މީހަކު ޖަލަށް ޖަލަށް ލައި 12 މަސްދުވަހުގެ ނަފްސާނީ ބައްޔަށް ފަރުވާދޭ ޕްރޮގްރާމެއްގައި ބައިވެރިކުރުވައިފިއެވެ.
ދޫނި ޕާކުން ބިސްނަގަނިކޮށް ޕާކްގެ އޮފިޝަލުންނަށް ފެނުމާގުޅިގެން ފުލުހުން ހިންގި ތަހުގީގުގައި ޑެނިއަލްގެ ގެއިން 2995 ދޫނި ބިސް ހޯދިފައިވެއެވެ. ފުލުހުން ހާމަކޮށްފއިވާގޮތުގައި އޭގެ ތެރެއިން 2429 ބިހަކީ އިނގިރޭސިވިލާތުގެ ދޫނިސޫފާސޫފި ހިމާޔަތް ކުރުމުގެ ގާނޫނުގެ ދަށުން ހިމާޔާތްކޮސްފައިވާ ދޫނި ބިހެވެ.
ޑެނިއަލް އަކީ މީގެ ކުރިންވެސް ދޫނިބިސް ވަގަށް ނެގުމުގެ ކުށުގައި އަދަބުދީފައިވާ މީހެކެވެ. އެގޮތުން 2005 ވަނަ އަހަރު ޑެނިއަލްގެ ގެެއިން 4000 ބިސް ފެނިގެން 10 ހަފްތާއަށް ޖަލަށް ލާފައިވެއެވެ. އަދި 2018 ވަނައަހަރު ޑެނިއަލްގެ ގެއިން 5000 އަށްވުރެ ގިނަ ބިސް ފެނިގެން 18 ހަފްތާގެ ޖަލުހުކުމެއްކޮށްފައިވެއެވެ.
