އިސްރާއިލުން ފަލަސްތީނުގެ ރަފާހް ކޭމްޕަށް ދިން ލާއިންސާނީ ހަމަލާ އާއި ގުޅިގެން އދ ގެ ސަލާމަތީ މަޖިލީހުގެ ކުއްލި ބައްދަލުވުމެއް މެއި 28 ގައި ބާއްވަން ނިންމައިފިއެވެ.
އދ ގެ ސަލާމަތީ މަޖިލީހުގެ ކުއްލި ސިއްރު ބައްދަލުވުމެއް ބައްދަލުވުމެއް ބާއްވަދިނުމަށް ހުށަހަޅާފައިވަނީ އަލްޖިރިއާ އިންނެވެ.
މެއި 26 ވަނަ ދުވަހު އިސްރާއިލުން ރަފާހު ކޭންޕަށް ފޮނުވާލި 8 މިސައިލް ހަމަލާގައި 20 އާއްމު ރައްޔިތުން ވަނީ މަރުވެފައެވެ. އޭގެތެރޭގައި ކޭމްޕް ގައި ދިރިއުޅެމުންދިޔަ ކުޑަކުދިންނާއި އަންހެނުން ހިމެނެއެވެ. މިހަލައާއި ގުޅިގެން އާމު ރައްޔިތުން މަރުވި މައްސަލާގައި އިސްރާއިލުގެ ޑިފެންސް ފޯސް އިން އެކަން ތަހުގީގު ކުރާނެ ކަމަށް ވަނީ ބުނެފައެވެ.
އިސްރާއިލުން ރަފާހު ބޯޑަރުތައް ބަންދުކޮށްފައިވާ މައްސަލާގައި އދ ގެ ބައިނަލް އަގުވާމީ ކޯޓުން ވަނީ ރަފާހް އަށް ދެމުންގެންދާ ހަމަލާތައް ހުއްޓާލައި ބޯޑަރުތައް ހުޅުވާލުމަށް މެއި 24 ވަނަ ދުވަހު އިސްރާއިލް އަށް އަންގާފައެވެ.