މިއަދަކީ އަބްދުއްރަހީމް އަބްދުﷲ (އަދުރޭ) އަށާއި މުޅި ލ. އަތޮޅަށް ވެސް ތާރީޚީ ދުވަހެކެވެ. އެމަނިކުފާނުގެ ޕާޓީ، ޕީއެންސީއަށް ވެސް މިއަދުގެ އުފާވެރިކަން އޭގެ އިންތިހާ ބޮޑެވެ. އެއީ ރާއްޖޭގެ ތާރީޚުގައި މިހާތަނަށް ލިބުނު އެންމެ ބޮޑު އަޣުލަބިއްޔަތާއެކު ވިހި ވަނަ ރައްޔިތުންގެ މަޖިލީސް މިއަދު ހުވާކުރުމުންނެވެ. އަބްދުއްރަހީމް ތާރީޚުގެ ތެރެއަށް ވަދެގެންދާ އަނެއް ސަބަބަކީ ރާއްޖޭގެ ސިޔާސީ ދާއިރާގެ އެންމެ ދަށުން ފެށިގެން ކުރިއަރުން އައިސް، މިއަދު ދައުލަތުގެ ގާނޫނު ހަދާ ބާރުގެ ވެރިއަކަށް އެމަނިކުފާނު ވެގެން ދިއުމުންނެވެ. މިއަދު ވިހި ވަނަ ރައްޔިތުންގެ މަޖިލީހުގެ ރައީސް ކަމަށް އަދުރޭ ހޮވުނީ 71 މެންބަރުންގެ ފުރިހަމަ ތާޢީދާއެކީގައެވެ.
އެމަނިކުފާނު ރައްޔިތުންގެ މަޖިލީހުގެ ރައީސްގެ ހައިސިއްޔަތުން، ދައުލަތުގެ އެންމެ ބާރުގަދަ އެއް ގޮނޑީގައި އިށީނދެވަޑައިގެން ދެއްވީ ކުރު އެހެންނަމަވެސް ވަރުގަދަ މުހިއްމު ތަގުރީރެކެވެ. ވިދާޅުވިއެވެ؛ "މި ވިހި ވަނަ ރައްޔިތުންގެ މަޖިލިސް އެކުލަވާލެވިގެން މިދަނީ ގައުމަށް މުހިއްމު ދަނޑިވަޅެއްގައި. މުހިއްމު އާ ސިޔާސީތަކާ އެކީގައި އިންގިލާގީ ހެޔޮ ބަދަލެއް ރާއްޖެއަށް ގެނެސްދެއްވުމުގެ އިހްލާސްތެރި ވިސްނުންފުޅުގަ، ދިވެހިރައްޔިތުންނަށް އުފާވެރި ދުވަސްތަކެއް ހޯއްދަވައިދެއްވުމުގެ ވަރުގަދަ އަޒުމުގައި މުޅިން އާ ބޭފުޅަކު އާދެ، ރާއީސް ޑރ. މުހައްމަދު މުޢިއްޒު ދިވެހިރާއްޖޭގެ ރައީސުލްޖުމްހޫރިއްޔާކަމާ ހަވާލުވެޑައިގެންނެވިތާ މަދު މަސްތަކެއްގެ ތެރޭގަ."
ދެން އަބްދުއްރަހީމް ފާހަގަކުރެއްވީ ވިހި ވަނަ ރައްޔިތުންގެ މަޖިލީހުން ކުރަން ހުރި މުހިއްމު އަދި އެހާމެ ބޭނުންތެރި ގިނަ މަސައްކަތްތަކުގެ ވާހަކައެވެ.
"އެހެންކަމުން މި މަޖިލިސް ވެގެންދާނީ އެމަނިކުފާނުގެ މަސައްކަތްޕުޅާ ފިޔަވަޅު ހަމަކޮށް ހިނގާނެ، ހިނގަންވާނެ މަޖިލީހަކަށް. މި ދަނޑިވަޅަކީ ގައުމެއްގެ ގޮތުގައި މުހިއްމު ނިންމުންތަކެއް ނިންމަން ޖެހިފައިވާ ދަނޑިވަޅެއް. އިގްތިސާދީ އަސާސްތައް ފުޅާކުރުން. އާ މަސައްކަތްތަކާއި ފަންނުތަކާއި ވިޔުފާރިތައް އުފަންކުރުން. ފައިސާއާއި މާލީ ފުދުންތެރިކަން އިތުރުކުރެވޭނެ ގޮތްތައް ހޯދުން. އުމުރާނީ ތަރައްގީގެ އާ ހަރުފަތްތަކެއް ރާއްޖެއަށް ތަޢާރަފުކުރަމުން ގެންދިއުން،" ރިޔާސަތުގައި އިންނަވައި ވާހަކަ ކުރިއަށް ގެންވަމުން އަދުރޭ ވިދާޅުވިއެވެ. "ވީދެމުންދާ ދިވެހިންގެ އިޖުތިމާއީ ފޭރާން، އަލުން ވިޔެ، އާކުރުން، މަސްތުވާތަކެތީގެ ވަބާއާ ވަރުގަދަ ހަނގުރާމައެއްކުރުން. ނުގަވާއިދުން ބިދޭސީން ރާއްޖެއަށް ވަންނަ ދޮރުތައް ބަންދުކުރުން. ގާނޫނުގެ ވެރިކަން ނެގެހެއްޓުން. ޝަރުއީ ދާއިރާގެ މިނިވަންކަން ކަށަވަރުކުރުން. މަޖިލީހުގެ އަބުރާއި ކަރާމާތް ހިފެހެއްޓުން. މިއީ ހައްތާވެސް މި މަޖިލިސް ތެރޭގައި ކުރިއަށް އޮތް ދުވަސްތަކުގައި މަޝްވަރާކޮށް ބަހުސްކޮށް، ސަރުކާރާއެކު މަސައްކަތްކޮށް ނިންމަން ޖެހޭނެ ކަންކަން."
ރާއްޖޭގައި އަދުރޭއާއެކު ސިޔާސީ މަސައްކަތްތައް ކުރުމުގައި އުޅުނު ބައެއް ބޭފުޅުން ވިދާޅުވި ގޮތުގައި އަދުރޭއަކީ އަބަދުވެސް އެއިރެއްގައި ހަވާލުވެވަފައިވާ ކޮންމެ ޓާސްކެއް، ފަސްޖެހުމެއް، ބިރުގަތުމެއް، ލަދުގަތުމެއް ނެތި އަދާކުރުމުގައި ފާހަގަކޮށްލެވޭ ބޭފުޅެކެވެ.
އެމަނިކުފާނުގެ ޢިލްމީ ގާބިލްކަމާމެދު ގިނަ ބަޔަކު އުފައްދާ ސުވާލުތަކާމެދު ސިޔާސީ އެކުވެރިން ދެނީ މާ ފުރިހަމަ ޖަވާބެކެވެ؛ "އަދުރޭއަށް ނުކުރެވުނު މަޖިލީހުގެ ރައީސްކަމެއް އަދާކުރެވޭނެ ވަކި އެހެން މީހަކު ނުހުންނާނެ. ސިޔާސީ ގޮތުން މިސްޓޭކެއް ނަހަދާނެ. ބައެއް ފަހަރު ބަސްމަގު ހުންނަ ގޮތުން ސުވާލު އުފެދުނު ކަމުގައިވިއަސް، މަޖިލިސް ރައީސް ކަމުގެ ގޮނޑީފައި އިށީނދެވަޑައިގަތުމަށް ފަހު އެކަން އޭނާގެ ކިބައިން ނުފެންނާނެ."
މަޖިލީހުގެ ރައީސާއި ނާއިބް ރައީސް އަހުމަދު ނާޒިމްވެސް ވިދާޅުވަނީ ކުރިއަށް އޮތް ވިހި ވަނަ ރައްޔިތުންގެ މަޖިލީހަކީ ވިސްނުންތެރިކަމާއެކު ނަތީޖާ ނެރެދޭނެ ރައްޔިތުން ބަލައިގަންނާނެ މުހިއްމު މަޖިލީހަކަށްވާނެ ކަމަށެވެ.
އަދުރޭގެ ނަން މިއަދުން ފެށިގެން ދެން ލިޔެވިގެން ދާނީ ތިރީގައި މިވާ ބޭފުޅުންގެ ލިސްޓުގައެވެ.
![](https://majlis.gov.mv/storage/speakers/RrF4J58gvco98TYrjMHJsDE6x8UTvGGub0noAMwY.png)
ރައީސް މުޙައްމަދު ނަޝީދު
28 މޭ 2019 – 13 ނޮވެމްބަރު 2023
![](https://majlis.gov.mv/storage/speakers/0ZFPuuOWx4CV6nPUtNOwQbGZ68lrcirmeTld64B9.png)
އަލްފާޟިލް ޤާސިމް އިބްރާހިމް
1 ނޮވެމްބަރު 2018 – 27 މޭ 2019
![](https://majlis.gov.mv/storage/speakers/w1gtCZDCzjgQ0FWKAPAPJYpBZIzM0FuwVjUdYIVO.png)
އަލްފާޟިލް ޢަބްދުﷲ މަސީޙު މުޙައްމަދު
27 މޭ 2014 – 1 ނޮވެމްބަރު 2018
![](https://majlis.gov.mv/storage/speakers/yIE5vcL7AxDQomBG6g4ggZWLpRPI0XJEAx6wjCPZ.png)
އަލްފާޟިލް ޢަބްދުﷲ ޝާހިދު
28 މޭ 2009 – 28 މޭ 2014
![](https://majlis.gov.mv/storage/speakers/eDvqdQTyuP5IwKMocqQWXF5SG2Xjhh8XYMsfsRZl.png)
އަލްފާޟިލް މުޙަންމަދު ޝިހާބު
12 އޯގަސްޓު 2008 – 28 މޭ 2009
![](https://majlis.gov.mv/storage/speakers/6gv4KepRDfqfEGwbREwSqmNibVEW7wEm044QYHER.png)
އަލްފާޟިލް އަޙްމަދު ޒާހިރު
13 ސެޕްޓެމްބަރު 2004 – 6 އޯގަސްޓު 2008
![](https://majlis.gov.mv/storage/speakers/ZgeZXA4deEsqJVfHOmgt8wSdqhQukKBMYoqqBvTH.png)
އަލްއުސްތާޛު ޢަބްދުﷲ ޙަމީދު
11 ނޮވެމްބަރު 1993 – 13 ސެޕްޓެމްބަރު 2004
![](https://majlis.gov.mv/storage/speakers/nS4KBqCGeTWlMDoUY0KseOD8C4RqM9LwoeNH7BJn.png)
ޞާހިބުއްސަޢާދާ އަލްފާޟިލް އަޙްމަދު ޒަކީ
22 ފެބްރުއަރީ 1990 – 11 ނޮވެމްބަރު 1993
![](https://majlis.gov.mv/storage/speakers/suHwZqCIJy6AyOe4nNGmaffMr4TVDY50hJFseEK7.png)
އަލްއުސްތާޛު ޢަބްދުﷲ ޙަމީދު
14 ފެބްރުއަރީ 1988 – 22 ފެބްރުއަރީ 1990
![](https://majlis.gov.mv/storage/speakers/PrBryNMZGBQM9AAnSsXCIhAFqA33EcPSZeVHnfbO.png)
އަލްއުސްތާޛު އިބްރާހީމް ޝިހާބު
11 ނޮވެމްބަރު 1982 – 15 ޖެނުއަރީ 1988
![](https://majlis.gov.mv/storage/speakers/P8HBe57jdqeN2Pp7qz3svW7iTitn5uTuLpuKeWUR.png)
އައްޝައިޚް އަޙްމަދު ޝާޠިރު
1 އޯގަސްޓު 1972 – 11 ނޮވެމްބަރު 1982
![](https://majlis.gov.mv/storage/speakers/j9QqAhk2ve02gveCrQyQULMltoj9F34b2NU30P7r.png)
ޞާހިބުއްސަޢާދާ އަލްފާޟިލް އަޙްމަދު ޒަކީ
3 އޮކްޓޯބަރު 1959 – 1 އޯގަސްޓު 1972
![](https://majlis.gov.mv/storage/speakers/0jd9gXDhjdBnuq3hVP9Ux5QMqFdqJxHT8Kay8I3e.png)
އަންނަބީލު އިބްރާހީމް ފަރީދު ދީދީ
1 މާރިޗު 1954 – 3 އޮކްޓޯބަރު 1959
![](https://majlis.gov.mv/storage/speakers/CxVYgfNG5qo2xvaU4zX7NwRL5FZezxok5XCXLXeo.png)
އައްޝައިޚް މަލިން މޫސާ މާފަތްކަލޭގެފާނު
13 އޭޕްރީލު 1952 – 21 އޮކްޓޯބަރު 1953
![](https://majlis.gov.mv/storage/speakers/kKLt3cHTFjPBYSwAlxOtaYnQd4VeAOW9i7MEYES6.png)
އައްޝައިހު މުޙަންމަދު ނަސީރު މަނިކު
12 އޭޕްރީލު 1948 – 12 އޭޕްރީލު 1952
![](https://majlis.gov.mv/storage/speakers/6HANBHLFZjlXttati7wam6v2R4iUp70Xz0frIMby.png)
އަލްއަމީރު ޢަލީ ކުޑަރަންނަބަނޑޭރި ކިލެގެފާނު
8 ނޮވެމްބަރު 1945 – 3 މާރިޗު 1948
![](https://majlis.gov.mv/storage/speakers/cbU7UJYv7C3hNr5A1EAM1shCYB0v1amXgKjYS3iD.png)
އަލްއަމީރު އިބްރާހީމް ޢަލީ ދީދީ
30 އޮކްޓޯބަރު 1944 – 7 ނޮވެމްބަރު 1945
![](https://majlis.gov.mv/storage/speakers/fGMStcqhFgBFFrzHCqJaxH2av9DJyaoXcJFz4xO6.png)
އަލްއުސްތާޛު އަޙްމަދު ކާމިލް ދީދީ
27 ޖޫން 1942 – 29 އޮކްޓޯބަރު 1944
![](https://majlis.gov.mv/storage/speakers/m293h9EMlPJrS8rSufSv3W4Hx8Opon41zW8lop8V.png)
އަލްއަމީރު މުޙަންމަދު ފަރީދު ދީދީ
21 އޮކްޓޯބަރު 1933 – 25 ޖޫން 1942