މިއަހަރުގެ ހައްޖުގެ އަޅުކަން އަދާ ކުރުމަށް މިހާތަނަށް ރާއްޖެއިން ފުރި ހައްޖާޖީން ތިބީ ހެޔޮ ހާލުގައި ކަމަށް އިސްލާމިކް މިނިސްޓަރ ޑރ. މުހައްމަދު ޝަހީމު އަލީ ސައީދު ވިދާޅުވެއްޖެއެވެ.
ޝަހީމް "އެކްސް" ގައި ކުރެއްވި ޕޯސްޓެއްގައި ވިދާޅުވީ އިއްޔެގެ ފުލައިޓުން ދަތުރުކުރި ހުރިހާ ހައްޖާޖީން ތިބީ ގަދަވެ ހެޔޮ ހާލުގައި ކަމަށާއި، ހައްޖުވެރިންގެ ފުރަތަމަ ގުރޫޕު މިހާރު ތިއްބެވީ ހޮޓަލުގައި ކަމަށެވެ.
މައްކާގައި ދިވެހި ހައްޖުވެރިން ތިބުމަށް ހަމަޖެހިފައިވަނީ އަލްބަލަދުއް ޠޮއްޔިބް އަޖްޔާދު ހޮޓަލުގައެވެ.
ޝަހީމް ވިދާޅުވީ ޖިއްދާ އެއާޕޯޓަށް ހައްޖާޖީންގެ ފުރަތަމަ ފުލައިޓު ޖެއްސިއިރު މޯލްޑިވްސް ހައްޖުކޯޕަރޭޝަން، ދިވެހި ހައްޖު މިޝަން، ދިވެހި އެމްބަސީގެ މަންދޫބުން ޖިއްދާގެ އެއާޕޯޓްގައި ޙާޖީންގެ ހިދުމަތުގައި ތިއްބެވި ކަމަށެވެ.
މިއަހަރު ޙައްޖުގެ އަޅުކަން އަދަާކުރުމަށް ރާއްޖެއިން
ވަޑައިގަންނަވާ ޙައްޖުވެރިންގެ ފުރަތަމަ ގުރޫޕު މިހާރު ތިއްބެވީ ހޮޓަލުގައި.
މައްކާގައި ދިވެހި ޙައްޖުވެރިން ތިބުމަށް ހަމަޖެހިފައިވަނީ އަލްބަލަދުއް ޠޮއްޔިބް އަޖްޔާދު ހޮޓަލުގައި.ހުރިހާ ޙައްޖުވެރިންގެ ޙާލުވެސް އާންމުގޮތެއްގައި ރަނގަޅު pic.twitter.com/vdDZVMJYFE— Maldives hajj mission بعثة ا لحج ا المالديفية (@hajjmission_mv) May 31, 2024
މިއަހަރު ހަައްޖު އަޅުކަމުގައި ބައިވެރިވަޑައިގަންނަވާ ދިވެހި ހައްޖުވެރިންގެ ފުރަތަމަ ފްލައިޓް ފުރީ އިއްޔެ މެންދުރުފަހު 15:51 ގައި ވެލާނާ އިންޓަނޭޝަނަލް އެެއާޕޯޓުންނެވެ. އެ ފްލައިޓް ޖިއްދާގައި ޖެއްސީ ރޭ 9:12 ގައެވެ.
ހައްޖުގެ އަޅުކަމުގައި ރާއްޖެއިން 1000 ހައްޖާޖީން ބައިވެރިވާއިރު، ޙައްޖު ކޯޕަރޭޝަންގެ އުސޫލުގެ ތެރެއިން، ބޮޑެތި ބަލި ތަހައްމަލުކުރަމުންދާ ފަރާތްތަކާއި އެބޭފުޅުންގެ އެހީތެރިންނާއި އަދި 70 އަހަރުން މަތީގެ ބޭފުޅުންނަށް ކަނޑައެޅުނު އެހީތެރިންނާއި އަދި ސަރުކާރުގެ ހިލޭ އެހީގެ ދަށުން ހައްޖަށް ގެންދާ 50 ފަރާތްތައްވެސް ހިމެނެއެވެ.
ހައްޖާޖީން މައްކާއަށް ދިއުމަށް ހަމަޖެހިފައިވަނީ ތިން ފްލައިޓެއްގައެވެ. އެއީ 31 ވަނަ ދުވަހާއި އަންނަ މަހުގެ 3 އަދި 7 ވަނަ ދުވަހުގެ މެންދުރު ފަހުގެ ފްލައިޓެވެ.
މިއަހަރު ރާއްޖެއަށް ލިބުނު ހުރިހާ ޙައްޖު ކޯޓާއެއް ވެސް ދީފައިވަނީ ސަރުކާރުން ހިންގަމުން އަންނަ ހައްޖު ކޯޕަރޭޝަނަށެވެ.
