ސިވިލް ސަރވިސް ކޮމިޝަނުގެ މެމްބަރުކަމަށް ބޭފުޅަކު މިއަދު އައްޔަނުކޮށްފިއެވެ.
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ސިވިލް ސަރވިސް ކޮމިޝަނުގެ މެންބަރުކަމަށް އައްޔަނުކުރައްވާފައިވަނީ، ދަފްތަރު. ނަންބަރު ރސ 9472، ފާޠިމަތު ޙަބީބާއެވެ.
ސިވިލް ސަރވިސް ކޮމިޝަނުގެ މެމްބަރުކަމަށް އައްޔަނުކުރި ފަރާތް ހުވާކުރެއްވުން އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ.
މި ރަސްމިއްޔާތުގައި ސިވިލް ސަރވިސް ކޮމިޝަނުގެ މެންބަރުކަމުގެ ހުވާ ލައިދެއްވީ ސުޕްރީމް ކޯޓުގެ ފަނޑިޔާރު ޑރ. މުޙައްމަދު އިބްރާހީމެވެ. މި ރަސްމިއްޔާތުގައި ވަނީ ސިވިލް ސަރވިސް ކޮމިޝަންގެ މެންބަރުކަމަށް ޢައްޔަން ކުރެއްވި ޙަބީބާއަށް މެމްބަރުކަމަށް އައްޔަނުކުރި ކަމުގެ ލިޔުން، ރައީސުލްޖުމްހޫރިއްޔާ އަރުވާފައެވެ.
