ހުޅުމާލެއިން މަސްވެރިންނަށް ވިއްކާ ޑީސެލްގެ އަގު ހެޔޮކޮށްފިއެވެ.
ފިޝަރީޒް މިނިސްޓްރީން "އެކްސް" ގައި ކުރި ފޯސްޓެއްގައި ބުނީ މިއީ ރައީސުލްޖުމްހުރިއްޔާ ޑރ. މުހައްމަދު މުއިއްޒުގެ އިސްނެންގެވުމުގެ މަތިން މެނިފެސްޓޯގައިވާ ވައުދުތައް ފުއްދުމަށްޓަކައި ގެނެސްފައިވާ ބަދަލެއް ކަމަށެވެ.
"ހުޅުމާލެއިން މަސްވެރިންނަށް ވިއްކާ ޑީސެލްގެ އަގު ޝެޑުތަކުން ވިއްކާ އަގަށް ހެޔޮކޮށްފި" މިނިސްޓްރީން ބުނެފައިވެއެވެ.
Raeesul jumhooriyya Dr @mmuizzu ge isnengevumuge mathin manifesto gaivaa vaudhu fuhdumattakai Hulhumale in masverinnah vikka diesel ge agu shed thakun vikka agah heyokohfi.
— Ministry of Fisheries and Ocean Resources (@MFORmv) June 12, 2024
އެގޮތުން، ހުޅުމާލެއިން މަސްވެރިންނަށް ޑީސެލްގެ އަގު ކުޑަކޮށްފައިވާއިރު، މިފްކޯގެ މަސް ކާރުހާނާތައް ހުންނަ ރަށްރަށުން މިހާރުވެސް މަސްވެރިންނަށް ޑީސެލް ފޯރުކޮށްދެމުން ދަނީ ހާއްސަ އަގެއްގައެވެ.
ދާދިފަހުން އެސްޓީއޯއިން ވެސް ވަނީ ރާއްޖޭގައި ވިއްކާ ފެޓްރޯލާއި ޑީސެލްގެ އަގު ހެޔޮކޮށްފައެވެ. މި ބަދަލާއިއެކު ފިއުލް ސަޕްލައިސް މޯލްޑިވްސްގެ ސްޓޭޝަންތަކުން ޕެޓްރޯލް ލީޓަރެއް ވިއްކަނީ 13.98 ރުފިޔާއެވެ. އަދި ޑީސަލް ލީޓަރެއްގެ އަގުވަނީ 13.92 ރުފިޔާ ހެޔޮކޮށްފައެވެ.
ރައީސް މުއިއްޒުގެ މެނިފެސްޓޯގައިވާ ވައުދުތައް ފުއްދުމަށްޓަކައި، މަސްވެރިކަމުގެ ސިނާއަތް ކުރިއަރުވައި، މަސްވެރިންނަށް ލިބޭ ނަފާ އިތުރުކުރުމަށް ސަރުކާރުން ދަނީ ގިނަ މަސައްކަތްތަކެއް ކުރައްވަމުންނެވެ.
