ދަރުބާރުގެ ކައިރީ ރޭ ހިނގި މާރާމާރީއެއް ހިންގި މައްސަލައިގައި ދެ މީހަކު ހައްޔަރުކޮށްފިއެވެ.
ފުލުހުން ވިދާޅުވީ، ދަރުބާރުގެ ކައިރީގައި މާރާމާރީއެއް ހިނގައިގެން އުޅޭކަމުގެ މަޢުލޫމާތު ރޭ 22:30 ފުލުހުންނަށް ރިޕޯޓްކޮށްފައިވާކަމަށެވެ.
މި މާރާމާރީގައި އެކަކަށް އަނިޔާވެ، ސެނެހިޔާ ހޮސްޕިޓަލުގައި ފަރުވާދެމުންދާކަމަށާއި، އޭނާގެ ޙާލު ސީރިއަސް ނޫންކަމަށް ހޮސްޕިޓަލުން ފުލުހުންނަށް މަޢުލޫމާތު ދީފައިވާކަމަށް ފުލުހުން ވިދާޅުވެއެވެ.
މި މައްސަލައާ ގުޅިގެން 2 މީހަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް އެ އިދާރާއިން ވިދާޅުވިނަމަވެސް އެމީހުންނާގުޅޭ އިތުރު ތަފްޞީލެއް މިހާތަނަށް ހިއްސާކުރައްވާފައެއްނުވެއެވެ.
މި މައްސަލަ ދިވެހި ފުލުހުންގެ ޚިދުމަތުން އަންނަނީ އިތުރަށް ތަޙުޤީޤުކުރަމުންނެވެ.
