އިމާމުވެ ހުކުރު ކުރާނެ ޒުވާން ހަތީބުން ތަމްރީނު ކުރުމުގެ ގޮތުން އިސްލާމިކް މިނިސްޓްރީން ފެށި ޕްރޮގްރާމްގެ ދެވަނަ ބެޗް ތިން ސަރަހައްދެއްގައި ބާއްވަން ނިންމައި ކުރިމަތިލުމުގެ ފުރުސަތު ހުޅުވާލައިފިއެވެ.
މި ފަހަރު ޕްރޮގްރާމް ބާއްވަނަ ހަމަޖެހިފައިވަނީ މާލެ އާއި އައްޑޫގެ އިތުރުން މ. އަތޮޅުގައެވެ.
އެގޮތުން، މީގެ ދެވަނަ ބެޗްގައި ބައިވެރިވުމުގެ ފުރުސަތު ވަނީ އަންނަ މަހުގެ 5 ވަނަ ދުވަހުގެ ނިޔަލަށް ހުޅުވާލާފައެވެ.
ޒުވާން ޚަޠީބު ޕްރޮގްރާމުގެ ދެވަނަ ބެޗުގެ އެޕްލިކޭޝަނަށް ހުޅުވާލައިފި!
އެޕްލިކޭޝަން ފޯމް: https://t.co/R2uvmYrTT0 pic.twitter.com/KXMo4QnfPL— Ministry of Islamic Affairs (@MVIaffairs) June 26, 2024
ޒުވާން ހަތީބުން ތަމްރީނު ކުރުމުގެ ޕްރޮގްރާމަކީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިންމާފައިވާ ދަރިވަރުންނަށް ހާއްސަކޮށްގެން އިސްލާމިކް މިނިސްޓްރީން ހިންގާ ޕްރޮގްރާމެކެވެ.
މި ޕްރޮގްރާމްގެ ފުރަތަމަ ބެޗުގައި 100 އަށް ވުރެ ގިނަ ޒުވާނުން ތަމްރީނުވެފައިވެއެވެ. އެގޮތުން ތަމްރީނުވި ޒުވާނުން މިހާރު އަންނަނީ ރާއްޖޭގެ އެކި ހިސާބުތަކުގައި އިމާމުވެ ހުކުރު ކުރަމުންނެވެ.
