ޖަލުގައި ބަންދުކޮށްފައި ތިބޭ ގައިދީންނަށް މަސްތުވާތަކެތި ވިއްކާ ކަމުގެ ތުހުމަތުގައި ހައްޔަރުކުރި މޯލްޑިވްސް ކަރެކްޝަނަލް ސާވީސްގެ އޮފިސަރުންގެ ތެރެއިން 13 އޮފިސަރެއްގެ ބަންދުގެ މުއްދަތު ކްރިމިނަލް ކޯޓުން ޖަހައިފި އެވެ.
އެ މީހުންގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން ހައްޔަރުކުރި މީހުންގެ ތެރެއިން 11 މީހުން ޝަރީއަތް ނިމެންދެން ބަންދުކުރުމަށް ކޯޓުން އަމުރުކޮށްފައިވެ އެވެ. އަދި ބާކީ ތިބި ދެ މީހުންގެ ބަންދަށް ކޯޓުން ވަނީ ފަސް ދުވަސް ޖަހާފަ އެވެ.
ބުރާސްފަތި ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި އެސިސްޓެންޓް ކޮމިޝަނާ އޮފް ޕޮލިސް އަބްދުﷲ ޝަރީފް ވިދާޅުވީި އާދަޔާ ހިލާފަށް އެ އޮފިސަރުންގެ އެކައުންޓަށް ފައިސާ ޖަމާވެފައިވާ ކަމަށެވެ. އެގޮތުން ބައެއް އޮފިސަރުންގެ އެކައުންޓަށް 24 މިލިއަން ރުފިޔާއިން ޖަމާވެފައިވާއިރު މިދިޔަ އަަހަރު ޖެނުއަރީ މަހުން ފެށިގެން މިހާތަނަށް 18 އޮފިސަރުންގެ އެކައުންޓަށް ޖުމްލަ 73.6 މިލިއަން ރުފިޔާ ޖަމާވެފައިވާކަން ތަހުގީގަށް އެނގިފައިވާކަމަށް ޝަރީފް ވިދާޅުވި އެވެ.
ހޯމް މިނިސްޓަރު އަލީ އިހްސާން ވިދާޅުވީ އާދަޔާ ހިލާފު ބޮޑެތި އަދަދުތަކުން ފައިސާ ޖަމާވެފައިވާ އޮފިސަރުން ގާނޫނާ ހިލާފުވެފައިވާ ކަމަށެވެ. އެއީ ދައުލަތުގެ އިތުބާރާއި ޔަގީންކަން ލިބިފައިވާ މަގާމެއްގައި ތިބި ބައެއް ކަމަށާއި ރިޝްވަތު ހިފުމަކީ ކުށެއް ކަމަށެވެ. ރިޝްވަތު ހުށަހެޅި މީހުންނާއި އޭގައި ހިފި މީހުންނާ މެދު ޤާނޫނީގޮތުން އެޅެން އޮތް އެންމެ ހަރުކަށި ފިޔަވަޅެއް އަޅުއްވާނެ ކަމަށް މިނިސްޓަރު ވިދާޅުވި އެވެ.
ވަޒީރު ވިދާޅުވީ މިހާތަނަށް ބެލިބެލުމުން ފާހަގަކުރެވުނު 18 އޮފިސަރުންނަކީވެސް ޖޫނިއާ ރޭންކުގެ އޮފިސަރުން ކަމަށެވެ. މިފަދަ ކަންކަމުގައި ރޭންކެއް އިސްތިސްނާ ނުކުރައްވާނެ ކަމަށާއި މިހާރު ކުރިއަށްދާ އޮޕަރޭޝަން ފުޅާކުރައްވާނެ ކަމަށްވެސް ވިދާޅުވި އެވެ.
ކިޔުންތެރިންގެ ޚިޔާލުތައް
ތީބޮޑު ދޮގެށް. ހުސް ޖޫނިއާ ރޭންކް އޮފިސަރުންނެއްނޫން. ސީނިއާ ރޭންކް އޮފިސަރުންވެސް ހިމެނޭ. އޮޅުވާނުލުން އެދެން. ތި މުއައްސަސާތީ މިހާރު އަގުވެއްޓިފައި އޮތް ތަނެއް. އިތުރަށް އޮޅުވާލައިން ވެރިން ސަލާމަތް ކުރުމުގެ ބޭނުމެއްނެތް. ވެރިން އަޑީގައި ތިބެގެން ކުރުވާކަމެއްކަން އެންމެނަށްވެސް އިންގޭ. އެއީ ސިއްރެއްނޫން.
"މިފަދަ ކަންކަމުގައި ރޭންކެއް އިސްތިސްނާ ނުކުރައްވާނެ ކަމަށާއި…" އެހެންވީރު ކޮބާ ތިކަމުގައި ހިމެނޭ ސީނިއާ މީހުން؟ އެމީހުން ކީއްވެ ހައްޔަރު ނުކުރެވުނީ؟ ހަމަޔަގީނުންވެސް ސީނިއާ މީހުންގެ ތެރެއިން ބައެއްގެ ނަންވެސް ހިމެނޭ ލިސްޓުގައި. ޢެމީހުންގެ އެކައުންޓް ތަކައްވެސް ވަނީ ތިފައިސާ ޖަމާވެފައި. ތީ ހަމަ ސިޔާސީ ސްޓަންޓެއް. ދެން ބުނޭ މަުމޫނު ސަރުކާރު ޖފޖފޖފފ، އަންނި ސަރުކާރު ދހސިކނަސ، ޔާމީނު ސަރުކާރު ހސުސކދމނދ، އިބޫސަރުކާރު ބސުސިސކނސ ބްލާބްލާ.. އަބަދުވެސް ކުރިން އޮތް ސަރުކާރު ދުވަހަކު ރަންގަޅުވާތަނެއް ނާދޭ… މިހެނ ނުކިޔާ ރަނގަޅު ކުރަންވީނުން ދެން އެ އިރެއްގަ އޮތް ސަރުކާރެއް. ކޮންމެ މީހަކުވެސް އަރާފަ ކުރިން އޮތް ސަރުކާރެޔ ކިޔާފަ އެއްކަމެއްވެސް ރަންގަޅު ވަނީކީނޫން. ދުވަހަކައްފަހު ދުވަހެއް މިގައުމު ދަނީ ގޯހުން ގޯހައް.