ކަޅު ބާޒާރުގައި ޑޮލަރު ވިއްކި މައްސަލައެއްގައި އަނެއްކާވެސް އިތުރު ދެ ބިދޭސީއަކު ހައްޔަރުކޮށް އެ މީހުން ޑީޕޯޓްކުރަން މޯލްޑިވްސް އިމިގްރޭޝަނުން ނިންމައިފިއެވެ.
އިމިގްރޭޝަނުން މިއަދު "އެކްސް" ގައި ކުރި ޕޯސްޓެެއްގައި ބުނީ އެމީހުން އަތުލައިގަތީ، މާލޭގެ ޑޮލަރު އޭޓީއެމެއް ކައިރިން އިއްޔެ ކަމަށާއި މިއީ އިމިގްރޭޝަނާއި ފުލުހުން ގުޅިގެން ހިންގި ސްޕެޝަލް ރެއިޑު އޮޕަރޭޝަންގެ ދަށުން ހައްޔަރުކުރި ދެ މީހުން ކަމަށެވެ.
އަދި ހައްޔަރުކުރި ދެ މީހުންނަކީ ރާއްޖޭގައި ގަވާއިދާ ހިލާފަށް އުޅެމުން އަންނަ ބަންގްދަލޭޝްގެ ބައެއް ކަމަށް ވެސް ބުނެފައިވެއެވެ.
A special raid operation was held near the USD ATM in Male' earlier last night, and two illegal expatriates who were extensively involved in foreign exchange activities were detained for further investigation. We appreciate the assistance from @PoliceMv during the operation.… pic.twitter.com/a5sXS4SJge
— Maldives Immigration (@ImmigrationMV) July 4, 2024
އެގޮތުން، އިމިގްރޭޝަނުން ބުނީ އެ މީހުންގެ މައްސަލަ މިހާރު ތަހުގީގުކުރަމުން އަންނާތީ ޑީޕޯޓް ކުރެވެން ދެން ބަންދުގައި ބަހައްޓާފައިވާ ކަމަށެވެ.
ކަޅު ބާޒާރުގައި ޑޮލަރު ވިއްކި މައްސަލާގައި އިތުރު ދެމީހަކު ޑީޕޯޓްކުރަން ނިންމާފައިވާއިރު، މިދިޔަ މާޗް މަހުގެ ތެރޭގައި މި މައްސަލައިގައި ވަނީ ހަ ބިދޭސީއަކު ޑީޕޯޓުކޮށްފައެވެ.
