މާފަންނު ގެއެއްގައި އަލިފާނުގެ ހާދިސާއެއް ހިނގައި، ދެ މީހަކަށް އަނިޔާވެއްޖެއެވެ.
މި ހާދިސާ ހިނގާފައިވަނީ ފުލޫނިޔާ މަގުގައި ހުންނަ އެލްސިއޯން ބޭކަރީ ކައިރީގައި ހުރި ގެއެއްގައެވެ. އަލިފާން ރޯވެފައިވަނީ ގެއެއްގެ ތިންވަނަ ފަންގިފިލާގައެވެ.
ފުލުހުން ބުނީ އެ ހާދިސާގައި ދެ މީހަކަށް އަނިޔާވި ކަމަށާއި އެ ދެ މީހުންނަށް އައިޖީއެމްއެޗްގައި ފަރުވާ ދެމުންދާ ކަމަށެވެ.
ނަމަވެސް އެމީހުންނަށް ލިބުނު އަނިޔާގެ ތަފުސީލެއް އަދި ލިބިފައެއް ނުވެއެވެ.
އަލިފާންގަނޑު ނިއްވުމުގައި ފުލުހުންނާއި ސިފައިން އެ ސަރަހައްދުގައި ހަރަކާތްތެރިވަމުން އަންނައިރު، މިހާރު އަލިފާންގަނޑު ވަނީ ކޮންޓްރޯލް ވެފައެވެ.
