އިނގިރޭސިވިލާތުގައި 14 އަހަރަށްފަހު ލޭބަރ ޕާޓީއަށް ވެރިކަން ލިބޭނެކަން މިހާރު އެ ގައުމުގައި ކުރިއަށްދާ އިންތިޙާބުގެ އެގްޒިޓް ޕޯލުން ކަށަވަރު ވެއްޖެއެވެ.
ކޮންޒަވޭޓިވް ޕާޓީން އެ ގައިމުގައި ކުރަމުންއައި ވެރިކަން ބަދަލުމިވަނީ އެއްމެ ފަހުން އެ ގައުމުގެ ވެރިކަމަށް އައްޔަނުކުރެވުނު ރިޝީ ސްނަކް އެގައުމުގައި އާލީ އިންތިހާބެއް ބޭއްވުމަށް ނިންމުމާއި ގުޅިގެންނެވެ.
މިފަހަރުގެ އިންތިހާބުގައި ލޭބަރ ޕާޓީން އިންތިހާބުގެ މައިގަނޑު ޝިއާރަކަށް ބޭނުންކުރަމުންއަންނަނީ "ފޯރ ޗޭންޖް" ސްލޯގަންއެވެ.
އިގިރޭސި ވިލާތަކީ އިންތިހާބުތަކުގައި މައިގަނޑު ގޮތެއްގައި ޕޮލިސީތައް ވިއްކައިގެން ރައްޔިތުން އެމައްޗަށް ވޯޓް ޑިސަސިޑް ކުރާ ގައުމެއް ނަމަވެސް ގިނަ ދުވަސްތަކެއް ވަންދެއް އެއް ޕާޓީއަކުން ވެރިކަން ކުރަމުން އައުމާ ގުޅިގެން ރައްޔތުންގެ ޝުއޫރު މިފަހަރު ހުރީ ބަދަލަކަށް ކަމުގައި ހިޔާލު ހޯދުންތަކުން ވަނީ ފާހަކަ ކުރެވިފައެވެ.
