އިންޑިއާ ސަރުކާރުގެ އެހީގައި ކަސްޓަމްސްގައި މަސްތުވާތަކެތި ޓެސްޓް ކުރަން ލެބޯރެޓަރީއެއް ގާއިމުކުރުމުގެ މަސައްކަތްކަތް ކުރަމުން އަންނަ ކަމަށް އެ އިދާރާއިން މިއަދު ބުނެފި އެވެ.
ކޮމިޓީގައި ވާހަކަ ދައްކަމުން ކޮމިޝަނާ ޖެނެރަލް އޮފް ކަސްޓަމްސް ޔޫސުފް މާނިއު ވިދާޅުވީ ކަސްޓަމުގެ ބެލުމުގެ ދަށަށް ގެންދާ މަސްތުވާތަކެއްޗާ މެދު އަމަލު ކުރަމުން އަންނަ އުސޫލަށް ބަދަލު ގެނައުމަށް މަސައްކަތްކުރަމުންދާ ކަމަށެވެ. މާނިއު ވިދާޅުވީ އެކަން ކުރާނީ ގާނޫނު އިސްލާހު ކޮށްގެން ކަމަށެވެ. އެއަށް ފަހު ވިދާޅުވީ ޑްރަގު ޓެސްޓު ކުރެވޭނެ ލެބެއް ގާއިމްކުރުމުގެ މަސައްކަތް މި އަހަރު ތެރޭ ފެށޭނެ ކަމަށެވެ.
މަސްތުވާތަކެތި ލެބޯރެޓަރީއަކުން ޓެސްޓު ކުރަމުން ދަނީ ހަމައެކަނި ފުލުހުންގެ ފޮރެންސިކް ލެބް ގައެވެ. މާނިއު ވިދާޅުވީ ކަސްޓަމުން ހިފަހައްޓާ މަސްތުވާތަކެތި ޓެސްޓް ކުރުމަށް ފަހު ސާމްޕަލެއް ޓެސްޓް ކުރުމަށް ފުލުހުންގެ ލެބަށްވެސް ފޮނުވާނެ ކަމަށެވެ.
ކަސްޓަމުން އަތުލައިގަންނަ މަސްތުވާތަކެއްޗާ ގުޅުންހުރި މައްސަލަތައް ނިމެންދެން އެފަދަ ތަކެތި ބަހައްޓާކަން ފާހަގަކުރަމުން މާނިއު ވިދާޅުވި ގޮތުގައި އެގޮތަށް އަތުލައިގަނެވޭ ތަކެތި ޓެސްޓު ކުރުމަށްފަހު 24 ގަޑިއިރަށް ވުރެ އިތުރަށް ބެހެއްޓުމުގެ ބޭނުމެއް އޮތް ކަމަށް ފެނިވަޑައިނުގަންނަވާ ކަމުގަ އެވެ.
ކިޔުންތެރިންގެ ޚިޔާލުތައް
ކަސްޓަމްސްގައި އެންމެ ޒަމާނީ ފެންވަރުގެ ލެބެއް ގާއިމްކޮށް، ކޯހުގެ ފުރުސަތު ހުޅުވާލައިގެން ރައީސް އޮފީހުގެ މުވަައްޒަފަކު ހޮވި ލެބް ޓެކްނީޝަނެއްގޮތިގައި މަތީ ތަޢުލީމު ދެވުނު. ލެބްގެ ސާމާނުތައް އުކާލައި ޓެކްނީޝަނަށް އެހެން މަސައްކަތެއް ހަވާލުކުރީ. ހަގީގަތް ބަލާލަބަލަ.