އެމެރިކާގެ އަސްކަރީޔާގައި ކުރިން މަސައްކަތްކޮށްފައިވާ ލިޓްރަލީ އެނީބޮޑީ އެލްސް ކިޔާ އުމުރުން 35 އަހަރުގެ މީހަކު އެމެރިކާގައި އަންނަ ނޮވެންބަރު މަހު ބާއްވާ ރޮޔާސީ އިންތިހާބުގައި ވާދަކުރާނެކަން އިއުލާނުކޮށްފިއެވެ.
ލިޓްރަލީ އެނީބޮޑީ އެލްސް އަކީ ކުރިން އެމެރިކާގެ އަސްކަރީޔާގައްޔާއި މިޑްލްސްކޫލު ހިސާބު ޓީޗަރެއްގެ ގޮތުގައި މަސައްކަތްކޮށްފައިވާ މީހެކެވެ. އޭނާ އާންމުންނަށް އެނގެނީ ޑަސްޓިން އެބޭގެ ނަމުންނެވެ.
ލިޓްރަލީ އެނީބޮޑީ އެލްސް އެމެރިކާގެ ކޭޓީއާރކޭ ޓީވީ އަށް ދީފައިވާ ބަސްދީގަތުމެއްގައި ބުނެފައިވަނީ ކެނޑިޑެންސީ ހުށަހެޅުމަށް ހަމަކުރަންޖެހޭ 113000 މީހުންގެ ސޮއި މިހާރު ހަމަވެފައިވާކަމަށާއި އޭނާގެ ރަނިންމޭޓެއްގެ ގޮތުގައި ހަމަޖައްސާނީ ސްވިޒަލެންޑްގައި ދިރިއުޅޭ އެމެރިކާގެ ރައްޔިތެއްކަމަށްވާ ނީލް ޑޭވިޑް ސްޓްޒް ކިޔާ މީހެއްކަމަށެވެ.
