އިންފޮމޭޝަން ޓެކްނޮލޮޖީގެ ދާއިރާއިން ދައުލަތަށް ނުހަނު ގިނަ ޙިދުމަތްތަކެއް ކޮށްދެއްވާފައިވާ ރައީސް އޮފީހުގެ ފުރަތަމަ ޗީފް ކޮމިއުނިކޭޝަން އޮފިޝަ ހާމިދު ޝަފީއު ނިޔާވެއްޖެއެވެ.
ހާމދި ޝަފީއު ނިޔާވެފައިވަނީ އާލާސްކަންފުޅަކަށް އިންޑިއާގައި ފަރުވާހޯއްދަވަމުންގެންދަވަނިކޮށް މިއަދު ހެނދުނުގެ ވަގުތެއްގައެވެ.
ރައީސް މައުމޫނުގެ ޒައާމަތުގައިވެސް ހާމިދުޝަފީއުވަނީ ރައީސުލްޖުމްހޫރިއްޔާގެ އޮފީހުގެ ކޮމިއުނިކޭޝަން ޑިޕާޓްމަންޓްގައި މަސައްކަތް ކުރައްވާފައެވެ. ހާމިދު ޝަފީއުވަނީ އިނގިރޭސިވިލާތުގެ ޔުނިވާސިޓީ ކޮލޮޖް އޮފް ލަންޑަން އިން ކޮމްޕިއުޓަރ ސައިންސް އިން ބެޗްލާސް ޑިގްރީ ހާސިލްކުރައްވާފައެވެ.
ހއ.އިހަވަންދޫ ވައިޖެހޭގެ ހާމިދު ޝަފީއު އަކީ މޯލްޑިވިއަން ޑިމޮކްރަޓިކް ޕާޓީއަށް ގިނަ ޙިދުމަތްތަކެއް ކޮށްދެއްވާފައިވާ ބޭފުޅެކެވެ. އެހެންކަމުން އެމްޑީޕީގެ އިސް ވެރިން ދަނީ ހާމިދު ޝަފީޢު ނިޔާވުމާއި ގުޅިގެން ހާމިދު ޝަފީއުގެ ޙިދުމަތަތައް ފާހަގަކޮށް އެ ބޭފުޅާގެ އާއިލާއަށް ހިއްވަރުދެއްވައި ތައިޒިޔާ ދަންނަވަމުންނެވެ.
