ހަނިމާދޫ އިންޓަނޭޝަނަލް އެއާޕޯޓުގައި މާރާމާރީއެއް ހިންގި މައްސަލާގައި ހައްޔަރުކުރި އެ އެއާޕޯޓުގައި މަސައްކަތްކުރާ އިންޑިއާ މުވައްޒަފުގެ ބަންދަށް 15 ދުވަސް ޖަހައިފި އެވެ.
މިދިޔަ ހުކުރު ދުވަހުގެ ރޭ ހިނގި އެ މާރާމާރީއަކީ މަރުތޭލައެއް ބޭނުންކޮށްގެން ހިންގާފައިވާ މާރާމާރީއެކެވެ.
ފުލުހުން އެ ރޭ ބުނީ ހަނިމާދޫ އެއާޕޯޓުގައި މަސައްކަތްކުރާ ދެ މުވައްޒަފަކު މާރާމާރީ ހިންގާފައިވާ ކަމުގެ ރިޕޯޓު އެ އިދާރާއަށް ލިބުނީ އެ ރޭ 8 ޖަހާ ހާއިރު ކަމަށެވެ.
އެ ދެ މީހުން ހިންގި މި މާރާމާރީގައި އޭގެ ތެރެއިން އެކަކަށް އަނިޔާވެ ހަނިމާދޫ ސިއްހީ މަރުކަޒުގައި ފަރުވާ ދިން ކަމަށް ފުލުހުން ބުންޏެވެ.
ފުލުހުން ބުނީ އެ މައްސަލައާ ގުޅިގެން ހައްޔަރުކޮށްފައި ވަނީ 37 އަހަރުގެ އިންޑިއާ ފިރިހެނެއް ކަމަށާއި އެ މާރާމާރީގައި އަނިޔާވެފައިވަނީ 39 އަހަރުގެ އިންޑިއާފިރިހެނަކަށް ކަމަށެވެ.
