ރަށްރަށުގެ މަގު ބައްތިތަކުގެ ސަލާމަތީ ކަންކަން ރަނގަޅު ކުރުމަށް 84 މިލިއަން ރުފިޔާ ހޭދަކުރަން ޖެހޭ ކަމަށް ލޯކަލް ގަވަމަންޓް މިނިސްޓަރު އާދަމް ޝަރީފުވިދާޅުވެއްޖެއެވެ.
މަގު ބައްތިތަކުގެ ރައްކާތެރިކަން ވަރުގަދަ ކުރުމުގެ މަސައްކަތް މިފެށީ އުނގޫފާރުގައި މަގު ބައްތިން ކަރަންޓްގައި ޖެހި ކުއްޖަކު ނިޔާވުމާ ގުޅިގެންނެވެ. އެހާދިސާގައި ފެނަކައިގެ އިހުމާލު އޮތުމުން އެކުންފުނި ވަނީ ޖޫރިމަނާކޮށްފައެވެ.
މިނިވަންއަށް އެނގިފައިވާ ގޮތުގައި ވަރަށް ގިނަ ރަށްތަކުގައި މަގު ބައްތިތައް ހުރީ ރައްކާތެރިކަމުގެ މިންގަނޑަށް ނުފައްތައެވެ. އޭގެ ތެރޭގައި ގިނައީ ފެނަކައިންކަރަންޓްދޭ ރަށްތަކެވެ.
މިނިސްޓަރު ވިދާޅުވި ގޮތުގައި އެ މަސައްކަތް ފުރިހަމަ ކުރުމަށް ޔުޓިލިޓީ ކުންފުނިތަކަށް ދީފައިވާ މުހުލަތުގައި މަސައްކަތް ނިންމާ ނުލެވިދާނެ ކަމަށް ބެލެވޭތީއެކަމާ ބެހޭ ގޮތުން ސަރުކާރުގެ ކަމާ ބެހޭ އިދާރާތަކާއެކު ގެންދަނީ މަޝްވަރާ ކުރައްވަމުންނެވެ.
ފޭސްބުކް ޕޯސްޓެއްގައި އާދަމް ޝަރީފު ވިދާޅުވެފައި ވަނީ މަގު ބައްތިތަކުގެ ރައްލާތެރިކަން ކަށަވަރު ކުރުމަށް ކުރަން ޖެހޭ މަސައްކަތްތަކަށް ފިނޭންސްމިނިސްޓްރީން އަދި ބަޖެޓް ހަމަނުޖެހޭ ކަމަށެވެ.
އެހެންނަމަވެސް ރައްޔިތުންގެ ރައްކާތެރިކަން ކަށަވަރު ކުރުމަށްޓަކައި ހުއްޓުމެއް ނެތި މަސައްކަތް ކުރެއްވުމުގައި ދެމި ހުންނަވާނެ ކަމަށްވެސް މިނިސްޓަރުވިދާޅުވިއެވެ.
