ހަމަނުޖެހުން ބޮޑުވެ ބަންގްލަދޭޝްގެ ވެރިކަމުން ދުރުކޮށްފައިވާ ޝެއިޚް ހަސީނާ ސިޔާސީ ދާއިރާއށް އެނބުރި ވަޑައިނުގަންނަވާނެ ކަމަށް އެކަމަނާގެ ދަރިކަލުން އަދި ކުރީގެ އޮފިޝަލް އެޑްވައިޒަރު ސަޖީބު ވަޒީދު ޖޯއީ ވިދާޅުވެއްޖެ އެވެ.
ބީބީސީ އަށް ދެއްވި އިންޓަވިއު އެއްގައި ސަޖީބު ވިދާޅުވީ 76 އަހަރުގެ މަންމާފުޅު އެހާ ބޮޑަށް މާޔޫސްވެލެއްވީ 15 އަހަރު ބަނގުލަދޭޝް އަށް ކޮށްދެއްވި އުގުނުކުރެވޭ މަސައްކަތާ ދެކޮޅަށް ގައުމުގެ މަދު ބަޔަކު ނިކުމެ ހިންގި ހަމަނުޖުމާގުޅިގެން އެކަމަނާ ގައުމު ދޫކުރައްވައި ވަޑައިގަންނަވަންޖެހުމާގުޅިގެން ކަމަށެވެ.
އެ އިންޓަވިއު ގައި ސަޖީބު އިތުރަށް ވިދާޅުވީ މަންމާފުޅު އެގައުމާ ހަވާލުވިއިރު އެގައުމު އޮތީ ވަރަށް ނާޒުކު ފައްތަރެއްގައި ކަމަށާއި ފަގީރުކަން އިންތިހާއަށް އޮތް އެގައުމު ހަމައަކަށް އަޅުވައި މިހާރު ބަނގުލަދޭޝް އަކީ ކުރިއަރަމުންއަންނަ ގައުމަކަށް ހަދާފައިވާކަމަށެވެ.
