އިދިކޮޅު މައި ޕާޓީ، އެމްޑީޕީން ސީދާ ހަރަކާތަށް ނިކުންނަން އެ ޕާޓީގެ ގައުމީ މަޖިލީހުން ރޭ ގަރާރެއް ފާސްކޮށްފި އެވެ.
މިދިޔަ 5 އަހަރު ވެރިކަންކުރި އެމްޑީޕީގެ ގައުމީ މަޖިލީހުން ގ. ނިއުޝާގައި ރޭ ބޭއްވި 4 ވަނަ ދައުރުގެ 13 ވަނަ ޖަލްސާގައި ތިމަރަފުށީ ދާއިރާގެ ރައީސް އިބްރާހިމް އަންވަރު ހުށަހެޅީ ސަރުކާރުން އެއްވެސް އިންސާފެއް ނެތި ވަޒީފާއިން ވަކިކުރަމުންދާ މީހުންނަށް އިންސާފު ހޯދައި ދިނުމަށް މަސައްކަތްކުރުމަށެވެ.
އެ މަސައްކަތް ކުރުމަށް އަންވަރު ހުށަހެޅީ ފަސް މެންބަރުންގެ މައްޗަށް އެކުލެވޭ ކޮމިޓީއެއް އެކުލަވާލުމަށެވެ.
އަންވަރުގެ އެ ގަރާރު ފާސްކޮށްފައިވަނީ ގައުމީ މަޖިލީހުގެ ބައްދަލުވުމުގައި ބައިވެރިވެވަޑައިގެންނެވި ހުރިހާ މެމްބަރުންގެ އިއްތިފާގުންނެވެ.
