އިންޑިއާގެ އެކްސްޓާނަލް އެފެއާސް މިނިސްޓަރު ޑރ. ސުބްރަމަނިއަމް ޖައިޝަންކަރު ރާއްޖޭގެ ޑިފެންސް މިނިސްޓަރު ޣައްސާން މައުމޫންއާ މިއަދު ބައްދަލުކުރައްވައިފި އެވެ.
އެ ބައްދަލުވުމުގެ ފޮޓޯއެއް 'އެކްސް’ގައި ހިއްސާކުރައްވާ ޖައިޝަންކަރު ވިދާޅުވި ދިފާއީ އަދި ސަލާމަތީ ދާއިރާއިން ގުޅުން ބަދަހިކުރުމާއި، އިންޑިއާ ކަނޑުގެ ސަލާމަތާއި ރައްކާތެރިކަމާ ގުޅޭ ގޮތުން ޣައްސާންއާ މަޝްވަރާކުރައްވާފައިވާ ކަމަށެވެ.
އަދި ސަރަހައްދީ ހަމަޖެހުމާއި އަމަންއަމާންކަން ދެމެހެއްޓުމަށް ދެގައުމުގެ މެދުގައި އޮތް ޝައުގުވެރިކަމާ ބެހޭގޮތުން މަޝްވަރާކުރެއްވި ކަމަށް ވިދާޅުވި އެވެ.
