ރައްޔިތުންގެ މަޖިލިސް ރައީސް އަބްދުއްރަހީމް އަބްދުﷲ އާއި ކުރީގެ ރައީސް އަބްދުﷲ ޔާމީނާ ދެމެދު ބަހުގެ ހޫނު ހަމަލާތައް ބަދަލުކުރުން އިތުރުވެފައިވާ މިދުވަސްވަރު ރައީސް ޔާމީން އަބްދުއްރަހީމްގެ ވާހަކަފުޅުތައް ސީދާކޮށް ގުޅުވާލީ ރައީސް ޑރ. މުހައްމަދު މުއިއްޒުގެ އަހުލާގާއެވެ.
އެގޮތުން އެމަނިކުފާނު ވިދާޅުވީ އަބްދުއްރަހީމަކީ މިހާރުގެ ރައީސް މުއިއްޒުގެ ރޯލް މޮޑެލް ކަމަށް ހުދު އެ މަނިކުފާނު ވިދާޅުވެފައިވާ ކަމަށެވެ. އެހެން ކަމުން ފެނިގެން އެ ދަނީ ރައީސް މުއިއްޒުގެ އަހުލާގު ކަމަށް ވެސް ރައީސް ޔާމީން ވިދާޅުވި އެވެ.
"ރައީސް އެބަ ވިދާޅުވޭ ތިމަންނަގެ ރޯލް މޮޑެލްއޭ އަބްދުއްރަހީމަކީ. އެހެންވީމާ އަބްދުއްރަހީމް އެ ދައްކާ ވާހަކައިން ރައީސް މުއިއްޒުގެ އަހުލާގު ރައްޔިތުންނަށް ނުފެނޭތޯއޭ؟ އެ ފެންނަނީ އެ ރިފްލެކްޝަންއިން ރައީސް މުއިއްޒުގެ އަހްލާގެއް ނޫންތޯއޭ؟" ރައީސް ޔާމީން ވިދާޅުވިއެވެ.
