ސަރުކާރު ހިނގަމުން ދަނީ ރިޔާސީ އިންތިހާބުގައި ރައްޔިތުންނަށްވި ވައުދުތަކާއި ހިލާފަށް އެއްވެސް މިސްރާބަކާއި އަސާސެއް ނެތިކަމަށް ކުރީގެއެންވައިރޮމެންޓް މިނިސްޓަރ އާމިނަތު ޝައުނާ ވިދާޅުވެއްޖެ އެވެ.
ސިލްސިލާކޮށް ކޮންމެ ހަފްތާއަކު ވެސް ކުރިޔަށް ގެންދާ ހަވަރު ބެރު ޕެނަލް ޑިސްކަޝަންގައި ޝައުނާ ވިދާޅުވީ ރިޔާސީ އިންތިހާބުގެ ކެމްޕެއިނުގެ ތެރޭގައިވެރިކަމަށް އައުމަށް މި ސަރުކާރުން ވަރަށް ގިނަ ހުވަފެން ރައްޔިތުންނަށް ދެއްކިކަމަށެވެ. އެހެން ނަމަވެސް ހަގީގަތަކީ ދެއްކެވި އެއްވެސް ވާހަކައެއް ތަންފީޒުކުރުމަށް ބޭނުންވާ ސިޔާސަތުތަކާއި، އެ ވަސީލަތްތައް ވެސް ސަރުކާރުގައި ހޯދޭނެ ފެންވަރު ނެތުންކަމަށް ޝައުނާ ވިދާޅުވި އެވެ.
ޝައުނާ ވިދާޅުވީ ރިޔާސީ އިންތިހާބު ގާތްވަމުން ދިޔަވަރަކަށް، ރާއްޖޭގައި އިންޑިއާގެ ސިފައިން އެބަތިބިކަމަށް ބުނެ އަޑުއުފުލުން ގިނަ ކުރިކަމަށެވެ. އެއަށްފަހު އެ ގައުމުގެ ނުފޫޒާއި ބާރުގެ ވާހަކަތައް ދައްކަވައި ވައުދުވީ، ރާއްޖެއާއި އިންޑިއާ ދެމެދު އެކުލަވާލި އެއްބަސްވުންތައް ހާމަކުރުން ނަމަވެސް މިވީ އަށް މަސްދުވަހުގެ ތެރޭގައި އެކަމަށް ކުރީ ކީއްތޯ ޝައުނާ ސުވާލު އުފެއްދެވި އެވެ. އަދި ވިދާޅުވީ ސަރުކާރުގެ އަމަލުތަކުން ވެސް އެނގޭ ގޮތުން އެއީ ރިޔާސީ އިންތިހާބަށްދެއްކެވި ހުސް ވާހަކަތެކެވެ.
ސިޔާސީ މަގާމުތަކުގެ އަދަދު އެމްޑީޕީގައި ގިނަކަމަށް ވިދާޅުވެ، މި ސަރުކާރުން ސިޔާސީ މަގާމުތައް 700 އަށް ވުރެ ގިނަ ނުކުރާނެކަމަށް ވިދާޅުވުމަށް ފަހުއެއަށް ވުރެ އެތައް ގުނައެއް އަދަދު އިތުރުކޮށްފައިވާކަން ޝައުނާ ފާހަގަކުރެއްވި އެވެ. އަދި ވިދާޅުވީ މި ސަރުކާރުން އެ ވެސް ސިއްރެއްގެ ގޮތުގައި ހަދައިމައުލޫމާތުތައް ހާމަކުރަން ދެކޮޅު ހަދަމުން ގެންދާކަމަށެވެ.
ޝައުނާ ވިދާޅުވީ މި ސަރުކާރުގެ ސިޔާސީ މަގާމުތަކުގެ އަދަދު ދެހާހަށް ވުރެ މަތިވާނެކަން ފެންނަން ހުރި މައުލޫމާތުތަކުން އެނގޭ ކަމަށެވެ. އެއާއި އެކުސިޔާސީ މުވައްޒަފުންނަށް ކުރާ ހޭދައިގެ އިންސައްތަ ކުރިޔާ އަޅާބަލައި ވަރަށް ބޮޑުތަނުން އިތުރުކަން ފެންނަން އެބަހުރިކަމަށް ވިދާޅުވި އެވެ.
ސަރުކާރުން މާލީ އެއްވެސް މައުލޫމާތެއް ހާމަ ނުކުރާކަމުގެ ތުހުމަތު ކުރައްވައި ޝައުނާ ވިދާޅުވީ، އެ މައުލޫމާތު އާންމު ނުކުރަނީ ސަރުކާރުގެ އަސްލު ހޭދަތައްއެނގޭނެތީކަމަށެވެ.
