ހުޅަނގު މޫސުމުގެ ބާރުގަދަވެ މުޅި ރާއްޖެއަށް މިހާރު ކުރަމުންދާ ވިއްސާރާގައި ހއ.ކެލައަަށް އާދަޔާހިލާފަށް ބޯކޮށް ވާރޭވެހި ރާއްޖޭގެ ރަށަކަށް 24 ގަޑިއިރުގެ ތެރޭގައި އެއްމެ ގިނައިން ވާރޭވެހުނު ރަށްކަމަށް ރެކޯޑު ކޮށްފިއެވެ.
މޫސުމާބެހޭ އިދާރާއިން މިއަދު ނެރެފައިފާ "މޫސުން ކުރިއަށް ލަފާކުރާގޮތުގެ އަދާހަމަ" ގައި ބުނެފައިވާ ގޮތުން ހއ. ކެލައަށް އިއްޔެ ވަނީ ވަނީ 231.5 މިލިމީޓަރުގެ ވާރޭވެހިފަ އެވެ. އެއީ 24 ގަޑިއިރުގެ ތެރޭގައި އެންމެ ގިނައިން ވާރޭވެހުނު ކަމަށް އޮޓޮމެޓިކް ވެދާ ސްޓޭޝަނަށް ރެކޯޑު ކުރެވިފައިވާ އެއްމެ މަތީ އަދަދެވެ.
އިތުރަށް މެޓް އޮފީހުން ބުނެފައިވަނީ ވިލާގަނޑުގައި އެންމެ ވައިގަދަވެފައިވާ ކަމަށް އިއްޔެ ރެކޯޑް ކުރެވިފައި ވަނީ ފ. ނިލަންދު އަށްކަމަށާއި، އެއީ ގަޑިއަކު 46 މޭލު ކަމަށާއި، މިވަގުތު އެންމެ މޫސުން ގޯހީ ރާއްޖޭގެ އުތުރުގެ ރަށްތަކަށްކަމަށެވެ.
