ރާއްޖެއަށް މިވަގުތު ކުރަމުންދާ ވިއްސާރާގައި ފެންބޮޑުވެ މާލެސިޓީގެ 3 ގެއަކުން މީހުން ބަދަލުކޮސްފައިވާކަމަށް ނޭޝަނަލް ޑިޒާސްޓަރ މެނޭޖުމަންޓް ސެންޓަރުން ބުނެފިއެވެ.
އެ ސެންޓަރުގެ އެކްސް ގައި ބުނެފައިވާގޮތުން މިރޭގެ 8 ޖެހުމާ ހަމައަށް ފެން ބޮޑުވުމުގެ ހާދިސާތަކާ ގުޅިގެން 252 ފަރާތަކުން އެހީތެރިކަމަށް އެދިފައި ވާކަމަށާއި އަދި 3 އާއިލާއަކަށް ރައްކާތެރިކަން ފޯރުކޮސްދީފައިވާ ކަމަށް ބުނެފައިވެއެވެ.
މާލޭގެ އިތުރުން އަތޮޅުތެރޭގެ 20 ރަށަކުން ވިއްސާރާގައި ލިބިފައިވާ އެކިކަހަލަ ގެއްލުންތަކާ ގުޅިގެން އެ ސެންޓަރުން ދަނީ އެހީތެރިކަން ފޯރުކޮށްދެމުންނެވެ.
ރާއްޖެ ސަރަހައްދުގައި ހުޅަނގު މޫސުމުގެ ބާރުގަދަވެ މި ހަފްތާގައި ބޯކޮސް ވާރޭވެހޭނެކަމަށް މޫސުމާބެހޭ އިދާރާއިން ވަނީ އިލްތިމާސްކޮށްފައެވެ.
