މާލޭގެ އިމާރާތެއްގެ މަތިން މީހަކު ވެއްޓިއްޖެއެވެ.
"މިނިވަން" ނޫހަށް މައުލޫމާތު ދެމުން ފުލުހުންގެ މީޑިއާ އޮފިޝަލަކު ވިދާޅުވީ، ކަސްޓަމްސް ކައިރީ ހުރި އިމާރާތެއްގެ މަތިން މީހަކު ވެއްޓިގެން އުޅޭކަމުގެ މައުލޫމާތު ލިބިގެން ފުލުހުން ހަރަކާތްތެރިވަމުން އަންނަކަމަށެވެ. ނަމަވެސް އިތުރު މައުލޫމާތެއް އަދިހާމަ ކޮށޮފައެއްނުވެއެވެ.
މިނިވަން އަށް މައުލޫމާތު ލިބިފަިވާ ގޮތުގައި ވެއްޓިފައިވަނީ އަންހެނެކެވެ. މި އަންހެން މީހާ ވެއްޓިފައިވަނީ އެމްޕީއެލް ކައިރި ހުންނަ ހަސޯވާ ބިލްޑިންގުގެ 9 ވަނަ ފަންގިފިލާއިންނެވެ.
މީގެ އިތުރުން މީސްމީޑިއާގައި ދައުރުވަމުންދާ ވީޑިއޯތަކުން ވެސް އަންހެނަކު ވެއްޓިފައިވާކަން ހާމަވާއިރު، އޭނާ ވަނީ ޕިކަޕަކަށް ލައިގެން މިހާރު އައިޖީއެމްއެޗް ހޮސްޕިޓަލަށް ގެންގޮސްފައެވެ.
