ކޮލްކަތާގެ އާރ.ޖީ. ކާރ މެޑިކަލް ކޮލެޖް އެންޑް ހޮސްޕިޓަލްގައި ޑޮކްޓަރަކު ރޭޕްކޮށް މަރާލި މައްސަލަ އިންޑިއާގެ ސުޕްރީމް ކޯޓުން އަމިއްލަ އިސްނެގުމަށް ބަލަންފަށައިފިއެވެ.
އިންޑިއާގެ އުއްތަމަ ފަނޑިޔާރު ޑީ.ވައި. ޗަންދްރަޗުޑް އަދި ފަނޑިޔާރުން ޖޭ.ބީ. ޕާރދިވާލާ އަދި މަނޯޖް މިޝްރާ ހިމެނޭ ބެންޗަކުން މި މައްސަލަ އޯގަސްޓް 20 ގައި އަޑުއެހުމަށް ބާއްވަން ވަނީ ހަމަޖެހިފައިވެއެވެ.
އޯގަސްޓް 9 ވަނަ ދުވަހު އާރް.ޖީ. ކާރު ހޮސްޕިޓަލުގެ ސެމިނާ ރޫމުން ޕޯސްޓް–ގްރެޖުއޭޓް ޓްރެއިނީ ޑޮކްޓަރެއްގެ ހަށިގަނޑު ފެނުނެވެ. މިކަމާ ގުޅިގެން ޖެހިގެންއައި ދުވަހު ކޮލްކަތާ ފުލުހުން ސިވިކް ވޮލަންޓިއަރެއް ކަމުގައިވާ ސަންޖޯއި ރޯއި ހައްޔަރުކުރިއެވެ.
ކޮލްކަތާ ފުލުހުންގެ ތަޙުޤީޤާމެދު ހިތްހަމަނުޖެހުން ފާޅުކުރުމަށްފަހު، ކަލްކަޓާ ހައިކޯޓުން ސީ.ބީ.އައި އަށް މި މައްސަލައިގެ ތަޙުޤީޤު ހަވާލުކުރުމަށް އަމުރުކުރިއެވެ.
ޑޮކްޓަރު ރޭޕްކޮށް އަދި މަރާލި ކަމަށް ތުހުމަތު ކުރެވޭ މައްސަލައިގައި ތުހުމަތުކުރެވޭ ހުރިހާ ފަރާތްތަކެއް ހައްޔަރުކުރެވެންދެން އެކުގައި ތިބުމަށް މަރާލެވުނުކަމަށް ތުހުމަތު ކުރެވޭ ޑޮކްޓަރުގެ އާއިލާއިން ވަނީ ގޮވާލައިފައެވެ.
ނިޔާވި ޑޮކްޓަރުގެ މަންމަ ވެސްޓް ބެންގާލްގެ ވެރިކަމުގެ އިސްވެރިޔާ މަމަތާ ބެނަރޖީއަށް ވެސް ވަނީ ފާޑުކިޔާފައެވެ. އާރު.ޖީ. ކާރު މެޑިކަލް ކޮލެޖް އަދިހޮސްޕިޓަލްގެ މައްސަލަ ރަނގަޅަށް ބެލެހެއްޓުމުގައި ފެއިލްވެފައިވާ ކަމަށް ބުނެއެވެ. އަދި އާދީއްތަ ދުވަހު އޭނާ ތުހުމަތު ކުރީ ޓްރައިނަމޫލް ކޮންގްރެސްގެ އެންމެއިސްވެރިޔާ މި މައްސަލައިގައި ކުރެވޭ އިހުތިޖާޖުތައް ހުއްޓުވަން މަސައްކަތް ކުރަމުންދާ ކަމަށެވެ.
“އޭނާ (މަމަތާ ބެނަރޖީ) ވިދާޅުވީ ކުށްވެރިން ވީހާވެސް އަވަހަކަށް ހައްޔަރުކުރެވޭނެ ކަމަށް، އެކަމަކު މިހާތަނަށް ހައްޔަރުކުރެވިފައި ވަނީ އެންމެ މީހެއް. އަހަރެންނަށް ޔަގީން ހޮސްޕިޓަލުގައި އިތުރު މީހުން މިކަމުގައި ބައިވެރިވެފައި ތިބިކަން. އަހަރެން ހިތުން މުޒާހަރާތައް ހުއްޓުވުމަށް ޗީފް މިނިސްޓަރމަސައްކަތް ކުރައްވަނީ. އެހެންވެ މިއަދު ފުލުހުން މުޒާހަރާކުރަން އެއްވުން މަނާކުރާ އަމުރެއް ނެރުނީ،” ރޭޕްކޮށް މަރާލި އަންހެން ޑޮކްޓަރުގެ މަންމަބުންޏެނެވެ.
މައިންބަފައިން އެންޑީޓީވީއަށް ބުނެފައިވަނީ ކޮލްކަތާ ފުލުހުން މި މައްސަލަ ބެލި ގޮތް ފެނުމަށްފަހު އެމީހުންގެ ޗީފް މިނިސްޓަރ އަށް އޮތް އިތުބާރު ގެއްލިފައިވާކަމަށެވެ. ސެންޓްރަލް ބިއުރޯ އޮފް އިންވެސްޓިގޭޝަން (ސީބީއައި) އިން މަސައްކަތެއް ކުރަމުންދާކަމަށް އޭނާގެ ބައްޕަ އެ ނިއުސް ޗެނަލަށް ބުނެފައިވެއެވެ. އަދި އޭނާގެ ދަރިފުޅުގެ ޑައިރީގެ ސަފްހާއެއް ސީބީއައި އާ ހަވާލުކޮށްފައިވާ ކަމަށްވެސް އޭނާ ބުނެފައިވެއެވެ.
