ތިލަފުށީގައި ހުރި ގުދަނެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.
މައުލޫމާތު ލިބިފައިވާ ގޮތުގައި ގުދަނުގައި ވަނީ ވަރަށް ބޮޑަށް ރޯވެފައެވެ. އަދި އެމްއެންޑީއެފްއިން ދަނީ އެ ސަަރަހައްދުގައި ހަރަކާތްތެރިވަމުންނެވެ.
އަލިފާން ރޯވީ ވެހިކަލް މަރާމާތުކުރާ ވޯކްޝޮޕެއްގައިކަމަށް މައުލޫމާތު ލިބިފައިވެއެވެ. އަދި އަލިފާން ރޯވުމުގެ ސަބަބުން ބޯ ދުން އަރަމުންދާކަމަށްވެސް މައުލޫމާތު ލިބެއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބުނުކަމުގެ މައުލޫމާތު މިހާތަނަށް ލިބިފައިނުވާކަމަށް އެމްއެންޑީއެފްއިން ބުނެއެވެ.
