ސީޕްލޭން "އެއާރ އެމްބިޔުލާންސް" ގެ ގޮތުގައި ބޭނުންކުރަން ހުއްޓާލަންޖެހޭ ކަމަށް ޓްރާންސްޕޯޓް މިނިސްޓަރު ކެޕްޓަން މުހައްމަދު އަމީން ވިދާޅުވުމުން، ރައީސް ޔާމީން އަބްދުލްގައްޔޫމް ފާޑު ވިދާޅުވެއްޖެ
ރައީސް ޔާމީން ވިދާޅުވީ ޓްރާންސްޕޯޓް މިނިސްޓަރު އަމީން ސީޕްލޭންގައި އެއާރ އެމްބިޔުލާންސްގެ ހިދުމަތް ދިނުމަށް ނިންމެވީ އެކަމަށް އެންމެ އެކަށީގެންވާ ދިރާސާއެއް ކުރުމެއްނެތި ކަމަށެވެ.
ސީޕްލޭންގައި ބަލިމީހުން އުފުލަންޖެހޭ ވަރު މަދުވުމުގެ ސަބަބުން އެ ޕްލޭންގެ ކުލަ ބަދަލިކުރުމަށްފަހު އޭގައި އަނެއްކާވެސް ފަތުރުވެރިން އުފުލަން ފެށިކަމަށް މިނިސްޓަރު އަމީން ވަނީ ވިދާޅުވެފަ އެވެ. އަދި ސީޕްލޭން އަކީ ހަމައެކަނި ދުވާލުގެ ވަގުތުތަކުގައި ބަލި މީހުން އުފުލޭ އެއްޗެއްކަމުން އެޔަށް އޮންނަ ޑިމާންޑް ދަށްވާ ވާހަކަ އަމީން ވިދާޅުވުމުން ރައީސް ޔާމީން ވަނީ އެ ވާހަކަތަކަށް ވަރަށް ބޮޑަށް ފާޑުވިދާޅުވެފަ އެވެ.
