22 އޯގަސްޓް 2024 ވަނަ ދުވަހު ކުރިމިނަލް ކޯޓުން ކޮށްފައިވާ ހުކުމެއްގައި ބުނެފައިވނީ މަޙްރަމަކާ ޖިންސީގުޅުން ހިންގަން އުޅުނުކަން ސާބިތުވެ ކ.މާލޭއަށް ނިސްބަތްވާ މީހެއްގެ މައްޗަށް 7 އަހަރުދުވަހުގެ ޖަލުހުކުމެއް އިއްވާފައެވެ.
ކުރިމިނަލް ކޯޓުން އާއްމުކޮށްފއިވާ މައުލޫމާތުގައި ހުކުމް އިއްވި ފަރާތުގެ މައުލޫމާތު ހާމަކޮށްްފައިވީނަމަވެސް ޝަރީއަތް ނިމުނުގޮތުގެ ގަޒިއްޔާގެ ތަފްސީލެއް އާއްމުކޮށްފއެއް ނުވެއެވެ. އެ ކޯޓުން ބުނެފައިވަނީ މުޖުތަމަޢުގެ އަޚްލާޤީ އުޞޫލުތައް ހިފެހެއްޓުމުގެ ގޮތުން އެ ރިޕޯޓް ވެބްސައިޓަށް އަޕްލޯޑް ކުރެވިފައި ނުާނެކަމަށެވެ.
އަދި އެ ކޯޓުގެ ވެބްސައިޓްގައިވާގޮތުން އެހުކުމަކީ ގާނޫނު ނަންބަރު 17/2014 (ޖިންސީ ކުށުގެ ޤާނޫނު) ގެ 22 ވަނަ މާއްދާގެ (ހ) ގެ ދަށުން މަޙްރަމަކާއެކު ޖިންސީ އަމަލެއް ހިންގަން އުޅުމުގެ ސާބިތުވެ ކުއްވެރިވެއްޖެކަމަށް ކަނޑައަޅައި އެ ކުށުގެ އުގޫބާތެއްގެ ގޮތުން، ގާނޫނު ނަންބަރު 17/2014 (ޖިންސީ ކުށުގެ ޤާނޫނު) ގެ 22 ވަނަ މާއްދާގެ (ށ) ގެ ދަށުން އެ މީހާގެ މައްޗަށް ކޮށްފައިވާ 7 އަހަރުގެ ޖަލު ހުކުމެކެވެ.
އަދި ގާނޫނު ނަންބަރު 12/2016 (ޖިނާއީ ިއޖުރާއަތުގެ ގާނޫނު) ގެ 186 ވަނަ މާއްދާއާ ހަވާލާދީ އެ މައްސަލައާ ގުޅިގެން ހުކުމެއް ކުރުމުގެ ކުރިން އޭނާ އެމައްސަލައިގެ ބަންދުގައި ހޭދަކުރި މުއްދަތު، ޖަލު އަދަބުން އުނިކުރުމަށް ކަނޑައަޅައިވެސް ކނަޑައަޅާފައިވާކަމަށް ބުނެފައިވެއެވެ.
