ޑޮލަރުން އާމްދަނީ ލިބޭ ފަރާތްތަކުން ޑޮލަރުން ޓެކްސް ދައްކަންޖެހޭގޮތަށް ގާނޫނުތަކާއި ގަވާއިދުތައް އިސްލާހުކުރަން ސަރުކާރުން ނިންމުމާއި ގުޅިގެން އެ ނިންމުން ބަދަލު ކުރުމަށް މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ގޮވާލައިފިއެވެ.
ޑޮލަރުން އާމްދަނީ ލިބޭ ކުންފުނިތަކުން ދައުލަތަށް ދައްކާ ފައިސާ ވެސް ޑޮލަރުން ދައްކަން ޖެހޭ ގޮތަށް، ގާނޫނާއި ގަވާއިދަށް އިސްލާހު ގެނައުމަށް މިއަދު އޮތް ކެބިނެޓު ބައްދަލުވުމުގައި ނިންމާފައިވާކަން ސަރުކާރުން މިއަދު ވަނީ ހާމަކޮށްފައެވެ. ސަރުކާރުން މި ނިންމުން ނިންމީ ބެންކް އޮފް މޯލްޑިވްސް އަށް ޑޮލަރުގެ ދަތިކަން ދިމާވެ އެ ބެންކުން ދިވެހި ރުފިޔާ ކާޑުތަކުން ޑޮލަރުގެ މުއާމަލާތްތަކަށް ފައިސާ ނުދެއްކޭގޮތަށް މިއަދު ހެދުމާއި ގުޅިގެނެވެ.
އެކަމާއި ގުޅިގެން މަޓާޓޯ އިން މިއަދު ނެރުނު ނޫސްބަޔާނެއްގައި ބުނީ, އެ ނިންމުމުގެ ސަބަބުން ޓޫރިޒަމް ދާއިރާއަށް ބޮޑެތި ގެއްލުންތަކެއް ވެގެން ހިނގައިދާނެކަމަށް ފެންނަކަމަށެވެ. އެގޮތުން އޭގެ ސަބަބުން ފަތުރުވެރިކަމުގެ މަންޒިލެއްގެ ގޮތުގައި ރާއްޖެ ވިއްކުމުގެ ވިސްނުން ގެންގުޅޭ ބައިނަލްއަގްވާމީ ވިޔަފާރިވެރިންގެ ވިސްނުން ބަދަލުވެދާނެ ކަމަށާއި ޓޫރިޒަމް ތަރައްގީ ވެފައިވާ މަޝްހޫރު ބައެއް ގައުމުތަކުގައި ސްޓޭންޑާޑް އިންޓަނޭޝަނަލް ޕްރެކްޓިސްއާ އެއްގޮތަށް "ޑެސްޓިނޭޝަން ޕްރިންސިޕަލް"ގެ ދަށުން ޖީއެސްޓީ ނުނަގާކަން އެ ބަޔާނުގައި ފާހަގަ ކޮށްފައިވެއެވެ.
މަޓާޓޯ އިން ބުނީ ސަރުކާރުން އެ ނިންމުން ނިންމި ސަބަބެއްގެ ގޮތުގައި ބުނެފައިވަނީ ޓޫރިޒަމްގެ ދާއިރާއިން ބޭރުވާ ޑޮލަރުގެ މައްސަލަ ހައްލުކުރުން ކަމަށް ވީނަމަވެސް, އެއަށްވުރެ ބޮޑަށް ސަރުކާރުން މަސައްކަތް ކުރަންވީ ރަޖިސްޓްރީ ނުކުރާ އެކޮމޮޑޭޝަންތަކުގެ ސަބަބުން ދައުލަތަށް ގެއްލޭ އާމްދަނީ ހޯދައި، އެ ކަމާ ގުޅޭ ގަވާއިދުތައް ތަންފީޒު ކުރުމަށް ކަމަށެވެ.
މަޓާޓޯގެ ބަޔާނުގައި ވަނީ ޓޫރިޒަމް ޓެކްސް އޮޕަރޭޓުވާ ގޮތާބެހޭ ގޮތުން ގޯސް މައުލޫމާތު ފިނޭންސް މިނިސްޓްރީއަށް ލިބޭކަމަށް ބުނެ ކަންބޮޑުވުން ފާޅު ކޮށްފައެވެ.
ކިޔުންތެރިންގެ ޚިޔާލުތައް
ޑޮލަރުގެ މައްސަލަ ހައްލުވާނީ ބޭންކުތަކަށް ރުފިޔާ ދެއްކުމުން ބޭރުން ހޯދާ ޚިދުމަތްތަކާއި މުދަލަށް ފަސޭހަކަމާއެކު ފައިސާ ފޮނުވޭގޮތް ވެގެން. އެއިރުން ބޮޑު އަގުގައި ބޭރުން ޑޮލަރު ގަންނާކަށް ނުޖެހޭނެ. އަދި ރާއްޖޭގައި ބޭރުފައިސާ ބޭނުންކުރަން ޖެހޭ ކަމެއްވެސް ނުއޮންނާނެ. ރުފިޔާ ޑޮލަރަށް ބަދަލުކުރާކަށް ވެސް ނުއުޅޭނެ. ޑޮލަރު ގަނެވޭނީ ރުފިޔާ ހުރިވަރަކަށް.
މަޖުލީހުގާ ތިބެނީ ރިސޯޓުވެރިން، ޑޮލަރުކޮޅުވެސް ކަހާލަނީ ބޭރުގެ ބޭންކްތަކަށް، ނުވީތާކަށް ދަްއުލަތަށް ދައްކަންޖެހޭ ޓެސްވެސް ނުދައްކާ، މިނިސްޓަރުން ގެންނގޮސް ފުރީ ހޮލިޑޭއެއްދީފަ ހުރިހާކަމެއް އޯކޭ ޖަހާލަނީ.. ގައުމު ރަނގަޅުވާނެ ހަމައެކަނި ގޮތަކީ ވިޔަފާރިވެރިން މަޖުލީހުން ބޭރުކުރެވުން..
އެހެން ވީމާ މަޓާޓޯ ގަ ތިބި މީހުން ބުލެކް މާމެޓުގަ ޑޮލަރު ވިއް ކާކަން ކަން ތިހާމަވީ