ބޮޑުކަންނެލި މަސްވެރިންގެ ޔޫނިއަން އާއި މިއަދު ބައްދަލުކުރައްވާނެކަމަށް ރައީސް ޑރ.މުއިއްޒް ވިދާޅުވެއްޖެއެވެ.
އެމަނިކުފާނު އެހެން ވިދާޅުވީ މިއަދުގެ މަސައްކަތްތަކާ ގުޅޭގޮތުން އެކްސްގައި ހިއްސާކުރެއްވި ޕޯސްޓެއްގައިވެއެވެ.
އެމަނިކުފާނު އެ ޕޯސްޓްގައި ވިދާޅުވެފައިވަނީ ބޮޑުކަންނެލި ޔޫނިއަންގެ އިސްވެރިންނާ އެމަނިކުފާނު މިއަދު ބައްދަލުކުރެއްވުމަށް ހަމަޖެިފައިވާކަމަށާއި އެގޮތުން އެ ޔޫނިއަންގެ އިސް ފަރާތްތަކަށް އެ ބައްދަލުކުރެއްވުމަށް ދައުވަތު ދެއްވާފައިވާނެކަމަށެވ.
އަދިވެސް އެމަނިކުފާނު ވިދާޅުވީ ސަރުކާރުގެ ސިޔާސަތަކީ މަސްވެރިކަމުގެ ސިނާއަތުގައި މަސައްކަތްކުރާ މަސްވެރިންގެ އަޑުއަހައިގެން ކުރިއަށް ދިއުންކަމަށާއި އެހެންކަމުން މިއަދުގެ ބައްދަލުކުރެއްވުމަށް އެމަނިކުފާނު ވަރަށްބޮޑަށް އިންތިޒާރު ކުރައްވާ ކަމަށާއި އަދި ސަރުކާރުގެ އަމާޒަކީ ކޮންމެ އިންޑަސްޓަރީއެއްގައި އެ އިންޑަސްޓްރީގެ ފަރާތްތަކުގެ އަޑުއަހައިގެން ކުރިއަށް ދިއުންކަމަށެވ.
ކަންލެނި ލޭނުގެ މަސައްކަތައް ހުއްދަ ދިނުމަށް ސަރުކާރުން ކުރައްވަމުންގެންދެވި މަސައްކަތް ހުއްޓާލައި އެކަމަށް ހުއްދަ ނުދެއްވަން ރައީސް ޑރ.މުއިއްޒު ވަނީ ނިންމަވާފައެވެ.
