މޯލްޑިވްސް ޕޯޓްސް ލިމިޓެޑް( އެމްޕީއެލް) އިން ރެކޯޑް އަދަދެއްގެ ކޮންޓޭނަރު ހެންޑަލްކޮށްފި އެވެ.
އެމްޕީއެލްގެ ސީއީއޯ މުހައްމަދު ވަޖީހު ފޭސްބުކްގައި ވިދާޅުވީ މިއަދަކީ އެމްޕީއެލްގެ ހަޔާތުގައި، ވެސް އެއް ދުވަހަކަށް އެންމެ ގިނަ ކޮންޓެއިނާރ ހޭންޑުލް ކުރެވުނު ތާރީހީ ދުވަސް ކަމަށެވެ.
މިއަދު އެކަނި 934 ކޮންޓެއިނަރަށް ހިދުމަތް ދީފައިވާ ކަމަށް ވެސް އޭނާ ވިދާޅުވި އެވެ. އަދި އެއީވެސް އެމްޕީއެލްގެ ސަރަހައްދަށް ކުރިމަތިވެފައިވާ ތޮއްޖެހުމާއި އެހެނިހެން ގޮންޖެހުންތަކާވެސްް އެކުގައި ކަމަށް އޭނާ ވިދާޅުވި އެވެ.
ސީއީއޯ ވިދާޅުވީ މީގެ ކުރިން އެންމެ ގިނަ ކޮންޓެއިނަރަށް އެއް ދުވަހަކަށް ހޭންޑުލް ކޮށްފައިވަނީ ވެސް ހަމަ މި ވެރިކަމުގައި ކަމަށާއި އެ ގޮތުން 650 ކޮންޓޭނަރު އެއް ދުވަހުން ހެންޑަލްކުރި ކަމަށެވެ.
