ހއ.ދިއްދޫގައި އަމިއްލަ ފަރާތަކުން ލޮނު އުފައްދާ ފެކްޓްރީއެއް ގާއިމްކުރުމުގެ މަސައްކަތް ފަށައިފިއެވެ.
އެ ފެކްޓްރީގެ ގާއިމްކުރުމުގެ މަސައްކަތް ކުރައްވާ އެމްޑީޕް އިންވެސްޓްމަންޓް ގެ ފަރާތުން މައުލޫމާތު ދީފައިވާގޮތުން ފެކްޓްރީގެ މަސައްކަތުގެ 20 އިންސައްތަ މިހާރު ނިމިފައިވާކަމަށާއި ފެކްޓްރީގެ މަސައްކަތް މިއަހަރުގެ ނިޔަލަށް ނިމޭނެކަން ވަނީ ފާހަގަކުރައްވާފައެވެ.
އަދި އެފެކްޓަރީއަކީ އިރުގެ ހަކަތަ ބޭނުންކޮށްގެން ލޮނު ހިއްގައިގެން ލޮނު އުފައްދާ ގޮތަށް މަސައްކަތްކުރާ ފެކްޓްރީއެއްކަމަށާއި އެ ފެކްޓަރީގައި 3 ބާވަތެއްގެ ލޮނު އުފެއްދުމަށް ހަމަޖެހިފައިވާކަމަށެވެ. އެގޮތުން އާމުކޮށް ގޭގޭގައި ބޭނުންކުރާ ލޮނާއި އެހެނިހެން ބާވަތް އެއްކޮށްގެން އުފައްދާ ލޮނެވެ. އަދި އެކަން ކާމިޔާބުވެއްޖެނަމަ ރާއްޖޭގެ އިތުރު 4 ސަރަޙައްދެއްގައި ފެކްޓަރީ ގާއިމްކުރުމުގެ ވިސްނުންވެސް ގެންގުޅުއްވާކަމަށް ބުނެފައިވެއެވެ.
ފެކްޓަރީ ގާއިމްކުރަނީ އެރަށުން 15 ހާސް އަކަފޫޓުގެ ބިމެއް 15 އަހަރުގެ މުއްދަތައް ކުއްޔަށް ނަންގަވައިގެންނެވެ.
