ޕްރޮސެކިއުޓަރ ޖެނެރަލްގެ މަގާމަށް އައްޔަނުކުރުމަށް އަލްއުސްތާޒް އައްބާސް ޝަރީފުގެ ނަން ރައީސުލްޖުމްހޫރިއްޔާ ރައްޔޮިތުންގެ މަޖިލީހަށް ފޮނުވައިފިއެވެ.
ދައުރުން ބޭރުން މިރޭ ބޭއްވި ރައްޔިތުންގެ މަޖިލީހުގެ ޖައްލްސާގައި ރައީސުލް ޖުމްހޫރިއްޔާ ޕްރޮސެކިއުޓަ ޖެނެރަލްގެ މަގާމަށް މީހަކު އައްޔަނުކޮސްދެއްވުމަށް އެދި ފޮނުވި ސިޓީ އަމީން އާމް އިއްވަވަމުން ވިދާޅުވީ ހުސްވެފައިވާ ޕްރޮސެކިއުޓަރ ޖެނަރަލްގެ މަގާމަށް އައްޔަނުކުރުމަށް ރައީސުލްޖުމްހޫރިއްޔާ ފޮނުވާފައިނަންފުޅަކީ އަލްއުސްތާޒު އައްބާޝް ޝަރީފުގެ ނަން ކަމަށާއި އަދި ރައީސުލް ޖުމްހޫރިއްޔާ ފޮނުވި ސިޓީ ފުޅުގައި އެ މަގާމަށް ކުރިމަތިލެއްވުމަށް އިޢުލާނުކުރެއްވުމުން ކުރިމަތި ލެއްވި ބޭފުޅުންގެ ނަންތައް ހިމަނާފައިވާކަމަށެވެ.
މިރޭގެ ޖަލްސާގައި ރައީސް ފޮނުއްވެވި ނަން އިއްވެވުމަށްފަހު ޖަލްސާ ވަނީ ނިންމަވާލައްވާ ފައެވެ. ދެން މަޖިޅިހުގެ ޖަލްސާއެއް އޮންނާނީ މިމަހުގެ 16 ވަނަ ދުވަހުގެ ހެނދުނު 9 ޖަހާއިރުއެވެ. އެ ޖައްލާސައެއްގައި އެމަގާމަށް ރުހުން ދިނުމަށް ވަނީ ހަމަޖެހިފައެވެ.
