އެމްޕޮކްސް ގެ ކްލޭޑް-2 ވޭރިއަންޓަށް މެލޭޝިއާއިން މީހަކު ޕޮސިޓިވްވެއްޖެއެވެ.
ހުން އައިސް، ރިހުން ހުރި އެ މީހާއަކީ ބަލީގެ އަލާމާތްތައް ފެނުމުގެ ކުރިން 21 ދުވަހުގެ ތެރޭގައި ރާއްޖެއިން ބޭރަށް ދަތުރުކޮށްފައިވާ މީހެއް ނޫނެވެ.
މެލޭޝިއާއިން މިދިޔަ އަންގާރަ ދުވަހު (ސެޕްޓެމްބަރު 17) އެމްޕޮކްސް ގެ ކްލޭޑް 2 ވޭރިއަންޓަށް ޕޮޒިޓިވްވެފައިވަނީ ކައިރި މާޒީއެއްގައި ގައުމުން ބޭރަށް ގޮސްފައިނުވާ މީހެއްގެ ގައިންނެވެ.
ހެލްތު މިނިސްޓްރީން ނެރުނު ބަޔާނެއްގައި ބުނީ މި ކޭސް ފެނިފައިވަނީ މިދިޔަ ސެޕްޓެމްބަރު މަހުގެ 11 ވަނަ ދުވަހު ހުން އައުމާއި ކަރުގައި ރިއްސުމާއި ކެއްސުމުގެ އަލާމާތްތައް ފެންނަން ފެށި މީހެއްގެ ކިބައިން ކަމަށާއި ޖެހިގެން އައި ދުވަހު އެ ބަލީގެ އަލާމާތްތައް ފެންނަން ފަށާފައިވާ ކަމަށެވެ.
މެލޭޝިއާއަށް ނިސްބަތްވާ މި މީހާއަކީ ބަލީގެ އަލާމާތްތައް ފެނުމުގެ 21 ދުވަހުގެ ކުރިން ގައުމުން ބޭރަށް ދަތުރުކޮށްފައިވާ މީހެއް ނޫން ކަމަށްވެސް މިނިސްޓްރީން ބުނެފައިވެއެވެ.މީގެ ކުރިން މިދިޔަ އަހަރުވެސް އެ ގައުމުން ވަނީ އެމްޕޮކްސް ގެ އެ ވޜިއަންޓްގެ 10 ކޭސް ފެނިފައެވެ. މިއަހަރު އަދި އެ ބައްޔަށް ޕޮޒިޓިވް ވެފައި މިވަނީ އެ މީހާ އެކަންޏެވެ.
ވައިރަހުގެ އާ ވޭރިއަންޓްގެ ސަބަބުން މުޅި ދުނިޔެ އިން ކަންބޮޑުވުން އުފެދިފައި ވަނީ އާދަޔާ ހިލާފަށް ފަސޭހައިން އެ ވޜިއަންޓް ގައިގަޔަށް ފެތުރެމުންދާ ކަމަށް ބެލެވޭތީއެވެ.
