ކުދި ގައުމުތަކުގެ އިގްތިސާތު ޑައިވާސިފައިކުރުމަށް މާލީ އެހީތެރިކަން ބޭނުންވާކަމަށާއި، ތަރައްގީގެ ފުރިހަމަ މިލްކުވެރިކަން ސިޑްސްގެ ގައުމުތަކުން ނެގުމަށްޓަކައި އުފެއްދުންތެރިކަމުގެ ޤާބިލުކަން އިތުރުކުރަންޖެހޭކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
އަދި ރައީސްގެ ވާހަކަ ފުޅުގައި ދަރަނީގެ ބުރަ ލުއިކުރުމާއި ކްލައިމެޓް ފައިނޭންސާ އޮންނަ ގުޅުން ބޮޑުކޮށް ޑީއެސްއެސްއެސްގެ މުހިންމު އަމާޒަކަށް ވާންޖެހޭނީ އިންޓަރެސްޓް ރޭޓް ދަށްކޮށް، ފައިސާ ދެއްކުމުގެ މުއްދަތު އިތުރުކޮށް، މާލީ ބުރަ ލުއިކުރުމަށްޓައި ދަރަނި ރީސްޓްރަކްޗާ ކުރުން ކަމަށްވެސް ރައީސް ވިދާޅުވިއެވެ.
ސިޑްސް ގެ ގައުމުތަކުގެ ތަރައްގީގެ ދަތުރުގެ ފުރިހަމަ މިލްކުވެރިކަން ސިޑްސްގެ ގައުމުތަކުން ނެގުމަށްޓަކައި ހަރުދަނާ މުއައްސަސާތައް ބިނާކޮށް، އުފެއްދުންތެރިކަމުގެ ޤާބިލުކަން އިތުރުކޮށް، މުޖުތަމަޢު ބާރުވެރިކުރަން ޖެހޭކަމަށް ވެސް ރައީސްގެ ތަގުރީރުގައި ވަނީ ގޮވާލައްވާފައެވެ.
