މޯލްޑިވްސ އެއާޕޯރޓްސް ކޮމްޕެނީ ލިމިޓެޑް ގެ ފަޔާ ފައިޓަރުންނަށް ހިންގި 29 ވަނަ ބޭސިކް އެއާޕޯޓް ފަޔަރފައިޓިންގ ކޯހުގެ ނިންމުން ފާހަގަކޮސްފިއެވެ.
އެއާޕޯޓުގެ ފަޔަ މަނުންނަށް ހާއްސަކޮސްގެން އެއާޕޯޓުގެ އެކި ސަރަޙައްދުތަކާއި ފުލައިޓްތަކުގައި ހިނގާފާނެ ހިނގާ އަލިފާނުގެ ހާދިސާތައް ނިއްވާލުމާއި ކޮންޓްރޯލް ކުރުމުގެ ހާއްސަ ތަމްރީނު ދިނުމަށްޓަކއި ހިންގި 29 ވަނަ ބޭސިކް ފަޔަރ ފައިޓިންގ ކޯހަކީ އެމްއޭސީއެލްގެ މުދައްރިބުން ބޭނުންކޮށްގެން އެމްއޭސީއެލް އިން ފަރުމާކޮށްްގެން ކުރިއަށް ގެންގޮސްފައިވާ ކޯހެއްކަމަށާއި، އަދި އެ ކޯހަކީ މޯލްޑިވްސް ސިވިލް އޭވިއޭޝަން އޮތޯރިޓީއިން ފާސްކޮށްފައިވާ ކޯހެއްކަމަށް އެމްއޭސީއެލް އިން ބުނެފައިވެއެވެ.
ކޯހުގެ ނިންމުން ފާހަގަކުރުމަށް ބޭއްވި ރަސްމިއްޔާތުގައި އެކުންފުނީގެ ޑެޕިއުޓީ މެނޭޖިން ޑިރެކްޓަރު މުހައްމަދު ލައްމާން ވިދާޅުވީ އެ ކޯހުން އެމްއޭސީއެލްގެ އިންހައުސް ޓްރެއިނިން ނިޒާމުގެ ހަރުދަނާކަން ފެނިގެން ދިޔަ ކަމަށާއި، ކުރިއަށް އޮތްތަނުގައި ދެމެހެއްޓެނިވި ގޮތެއްގައި އެފަދަ ތަމްރީނުތައް ހިންގުމަށް މަސައްކަތް ކުރައްވާނެކަމަށެވެ.
