އިމިގްރޭޝަނާ ފުލުހުން ގޅިގެން ޤަވާއިދާ ޙިލާފަށް މަސައްކަތް ކުރަމުންގެންދާ ބިދޭސީން ހުއްޓުވުމަށް ހިންގާ ހާއްސާ އޮފަރޭޝަނުގެ ދަށުން މިމަހުގެ 24 އަދި 25 ވަނަދުވަހު ހުޅުމާލެ ފޭސް 1 ގައި ހިންގާ ކާބޯތަކެތީގެ ވިޔާފާރިކުރާ 6 ތަނެއް ބަލައި ފާސްކޮށް 16 ބިދޭސީއަކު އިމިގްރޭޝަނުގެ ބެލުމުގެދަށަށް ގެނެސް ބަލައި ފާސްކުރި 6 ތަނުގެ ތެރެއިން ހުއްދަ ނުނަނަގައި ހިންގަމުންގެންދިއަ 3 ކެފޭއަކަށް ނޯޓިސް ދީފައިވާކަމަށް އިމިގްރޭޝަނުން ހާމަކޮށްފިއެވެ.
އިމިގްރޭޝަނުން އެކަން ހާމަކޮށް އެކްސް ގައި ކޮށްފައިވާ ޕޯސްޓުގައި އެ މުވައްސަސާއިން ހިންގާ އެ އޮޕަރޭޝަނުގައި އާއްމު ރައްޔިތުންގެ ފަރާތުން ލިބެމުންދާ އެއްބާރުލުމަށް ވަނީ ޝުކުރު އަދާކޮށްފައެވެެ.
އިމިގްރޭޝަނުން ބިދޭސީންނާ ގުޅޭ ހާއްސަ އޮޕަރޭޝަން ފެށިފަހުން މިހާތަނަށް ގަވާއިދާހިލާފަށް މަސައްކަތްކުރަމުންގެންދިޔަ 4000 އަށްވުރެ ގިނަ ބިދޭސީން އަނބުރާ ގައުމަށްވަނީ ފޮނުވާލާފައެވެެ.
