މާލޭގެ ފިހާރައެއް ތެރޭގައި ތޫނު އެއްޗަކުން ހަމަލާފީ މީހަކު ޒަހަމް ކޮށްލައިފިއެވެ.
ފުލުހުން ބުނީ، ދިލްބަހާރު މަގުގައި ހުރި ފިހާރައެއް ތެރޭގައި މީހަކަށް ތޫނު އެއްޗަކުން ހަމަލާ ދީފައިވާ ކަމަށް ރޭ 22:01 އެހާކަންހާ އިރު ފުލުހުންނަށް ރިޕޯޓުކޮށްފައިވާ ކަމަށެވެ.
މިހާދިސާގައި އަނިޔާ ވެފައި ވަނީ ދިވެހި ފިރިހެނަކަށެވެ.
ހޮސްޕިޓަލާ ހަވާލާދީ ފުލުހުން ބުނީ، އޭނާ އަށް އައިޖީއެމްއެޗުގައި ފަރުވާ ދިނުމަށް ފަހު ރޭ ދޫކޮށްލާފައިވާ ކަމަށެވެ.
މި މައްސަލަގައި މިހާތަނަށް މީހަކު ހައްޔަރު ކޮށްފައި ނުވާ ކަމަށް ފުލުހުން ބުންޏެވެ.
މި މައްސަލަ ފުލުހުން ދަނީ އިތުރަށް ބަލާ ތަހުގީގު ކުރަމުންނެވެ.
