ބައްސާމުގެ އެޕާޓްމަންޓްތައް މިރޭ 12 ޖެހުމުގެ ކުރިން ޚަވާލު ނުކޮށްފިނަމަ ގާނޫނީ ފިޔަވަޅު އަޅައި ފުލުހުންގެ ބެލުމުގެ ދަށަށް ގެންނާނެކަމަށް ފުލުހުން ބުނެފިއެވެ.
އެކަން ހާމަކޮށް ފުލުހުން ނެރެފައިވާ ބަޔާނުގައި ބުނެފައިވަނީ ހުޅުމާލެ މެޖިސްޓްރޭޓް ކޯޓުގެ ނަންބަރ: HMC/ECA/2024/184 އަމުރުގެ ދަށުން ހުޅުމާލެ ލޮޓް ނަންބަރު: N2-25 ގެ ބްލޮކް A ގެ ނަމްބަރ:A1205 އަދި A1206 އެޕާޓްމަންޓް 2024 ސެޕްޓެމްބަރ 28 ވަނަ ދުވަހުގެ 10:58 އިން ފެށިގެން 136 ގަޑިއިރުގެ ތެރޭގައި ހުސްކޮށް ދިވެހި ފުލުހުންގެ ޚިދުމަތާ ޚަވާލުކުރުމަށް މާލެ، ގ.ފަހިވާގެ، ބައްސާމު އަދީލް ޖަލީލަށް ވަނީ އަންގާފައި ކަމަށާއި، ދެންނެވުނު އެންގުމާ ގުޅިގެން އިތުރު މުއްދަތެއް ހޯދުމަށްއެދި 2024 ސެޕްޓެމްބަރ 29 ވަނަދުވަހު ބައްސާމު އަދީލް ޖަލީލް ފުލުހުންގެ ޚިދުމަތުގައި އެދިފައިވާކަމަށެވެ.
އެ ބަޔާނުގައި ދެން އިތުރަށް ބުނެފައިވަނީ ބައްސާމުގެ އެދިލެއްވުމާ އެއްގޮތައް 2024 އިކްޓޯބަރ 6 ވަނަ ދުވަހުގެ 12:00 އާއި ހަމައަށް މުއްދަތު އިތުރުކޮށްދީފައިވާނެ ކަމަށާއި، ނަމަވެސް ބައްސާމުގެ އެދިލެއްވުމާ އެއްގޮތަށް އިތުރަށް ދިރާސާކޮށް ބެލި ބެލުމުން އެދިފައިވާގޮތައް މުއްދަތު އިތުރުކޮށްދެވެން ނެތް ކަމަށް އެ އިދާރާއިން ނިންމާފައިވާތީ، މިރޭގެ (8 އޮކްޓޯބަރ 2024) 12:00 ގެ ކުރިން އެޕާޓްމަންޓްތައް ހުސްކޮށް ފުލުހުންނާ ޚަވާލުކުރުމަށް އަންގާފައިވާނެކަމަސެވެ.
އަދި އެ އެއްގުމާއެއްގޮތަށް އެޕާޓްމަންޓްތައް ފުލުހުންނާ ޚަވާލުނުކޮށްފިނަމަ ފުލުހުންނަށް ޤާނޫނުން ލިބިދޭ ބާރުގެ ބޭނުންކޮށް، އެޕާޓުމަންޓްތައް ފުލުހުންގެ ބެލުމުގެ ދަށަށް ގެންނާނެކަން ވަނީ އަންގާފައެވެ.
ހުޅުމާލޭގައި ހުންނަ އަމީން އެވެނިއު އެޕާޓްމަންޓް ކޮމްޕްލެކްސް އިން ބައްސާމް ގަނެފައިވާ 2 ޕެންޓް ހައުސް އަކީ އެފްއޭއެމްގެ ފައިސާއިން ގަނެފައިވާ 2 ޕެންޓްހައުސް ކަން އެފްއޭ އެމްގެ ތަހުގީގުން ވަނީ ފާހަގަވެފައެވެ.
