މި އަހަރުގެ ޖުމްހޫރީ ދުވަހާ ގުޅުވައިގެން ނޮވެމްބަރު 10 ވާ އާދިއްތަ ދުވަސް ވެސް ސަރުކާރު ބަންދުކުރަން ރައީސް ޑރ. މުހައްމަދު މުއިއްޒު މިއަދު ނިންމަވައިފި އެވެ.
އަންނަ ނޮވެމްބަރު މަހުގެ 10 ވެސް ބަންދު ދުވަހެއްގެ ގޮތުގައި ހަމަޖެއްސެވީ ޖުމްހޫރީ ދުވަސް ކަމަށްވާ ނޮވެމްބަރު 11 ވަނަ ދުވަސް ބަންދު ދުވަހަކަށް ވާތީ ކަމަށް ރައީސް އޮފީހުން އާންމު ކުރެއްވި ބަޔާނެއްގައިވެއެވެ.
އެހެންވެ، ބަންދު ދުވަސްތަކަށް މެދުކެނޑުމެއް ނެތި މުވައްޒަފުންނަށް ޗުއްޓީ ލިބޭ ގޮތަށް ހަމަޖެއްސުމަށް ރައީސް މުއިއްޒު އެދިވަޑައިގަތެވެ.
ނޮވެމްބަރު 10 ބަންދު ކުރުމުން ހަފުތާ ބަންދާ އެކު ހަތަރު ދުވަހަށް ސަރުކާރު ބަންދުވާނެ އެވެ.
