ގުޅީފަޅު ކައިރި ކަނޑުމަތިން ދެ ލޯންޗު ޖެހި ރޭ ހިނގި އެކްސިޑެންޓުގައި އަނިޔާވި 12 މީހަކަށް ހޮސްޕިޓަލުން ފަރުވާދީފައިވާކަމަށް ފލުހުން ބުނެފިއެވެ.
ރޭ އިރާކޮޅު ގުޅީފަޅު ކައިރި ކަނޑުމަތިން 2 ލޯންޗް ޖެހި އެކްސިޑެންޓް ވެގެން އުޅޭކަމުގެ މައުލޫމާތު ފުލުހުންނަށް ލިބިފައިވަނީ 19:34 ހާއިރު ކަމަށް ފުލުހުން ވަނީ ބުނެފައެވެ.
ފުލުހުން އެ ސަރަހައްދަށް ގޮސް އަނިޔާވެފައިވާ މީހުން ވަގުތުން ހޮސްޕީޓަލަށް ވަނީ ގެންގޮސްފައެވެ. ނަމަވެސް ފުލުހުން ހާމަކޮށްފައިވާގޮތުން އެ ހާދިސާގައި އެއްވެސް މީހެއގެ ހާލު ސީރިއަށް ނޫންކަމަށްވެސް ބުނެފައިވެއެވެ.
އެ ހާދިސާގެ ތަހުގީގު މިހާރު ވަނީ ފުލުހުން ފަށާފައިކަމަށްވެސް ބުނެފައިވެއެވެ.
